1 Corintios 9:10 - Emberá Chamí

¹⁰ ¿Dachi ʉ̃rʉbena sid̶a kʉ̃risia b̶uasiiwãeka? Biawãra dachi baita Dachi Akõreba mau Moisesba b̶ʉd̶a deasii. Chi netaa uubarii maud̶e chi chaud̶a pebarii trajabadau, maud̶ebena ne uru panad̶ai kuitaa panuud̶eeba.

1 Corintios 9:10 ပူးပေါင်းရင်းမြစ်များ

Mateo 24:22

Mau ewari ãrea b̶uai. Dachi Mechiuba chi mau ewari b̶aꞌãra b̶ud̶awãe basirã, ẽbẽra ab̶a bid̶a chokae panad̶aabai basii. Maamina ichiba mau ewari b̶aꞌãra b̶usii ichiba jʉrʉ adaud̶arã kʉ̃ria b̶uabariid̶eeba.

Romanos 15:4

Joma Dachi Akõre bed̶ead̶e b̶ʉd̶a dachimaa jaradeai baita b̶uu. Dachi sõbiabiabarii maud̶e aid̶abarii joma dauchia jãadua panad̶amera. Maka dachiba biawãra kuitaa panuu Dachi Akõre ome ewaricha biꞌia panad̶ai.

1 Corintios 3:9

Mʉʉba Apolos ome arab̶aud̶e Dachi Akõre traju wau panuu. Machi sid̶a Dachi Akõred̶e ne uu nub̶uu iujãabʉ. Mau awara machi Dachi Akõreba de wau b̶uu kĩra nuree.

2 Corintios 4:15

Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.

2 Timoteo 2:6

Chi uubarii ãrea trajabariid̶eeba, ichiba chi uu nub̶uu chaud̶ad̶ebena naa adaui b̶uu.