1 Corintios 7:31 - Emberá Chamí

³¹ Chi nau iujãa dachiba unu panuu joma wãꞌãemaa b̶uud̶eeba chi ne barau nureeba ne barauwãe nuree kĩra kʉ̃risia nuread̶ai panuu.

1 Corintios 7:31 ပူးပေါင်းရင်းမြစ်များ

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

1 Corintios 7:29

Ãbarã, mʉʉba nau jara kʉ̃ria b̶uu: nau ewari wãꞌãemaa b̶uu. Maud̶eeba jãabae chi ãbarã kima uru nureerãba Dachi Akõre od̶e wã panuu ida b̶ud̶aabai panuu ãchi wẽra ome nuread̶ai baita. Maumaarã chi kima wãꞌãe b̶uu kĩra nuread̶ai panuu.

1 Corintios 7:30

Ara mau kĩra chi ãbarã kĩra nomaa nuree kĩra nomaawẽa nuree kĩra nuread̶ai panuu. Chi kĩrajʉʉ nuree kĩrajʉʉwẽa nuree kĩra nuread̶ai panuu. Ne nedod̶aba ichiba nedod̶a ewaricha uru b̶uai kʉ̃risia b̶uabai b̶uu.

1 Corintios 9:18

Makarã ¿mʉʉba jaradea b̶uu baita, kãare adauima? Ne adaubai. Kĩrajʉʉ b̶uai chi bed̶ea bia Cristo ʉ̃rʉbena jaradea b̶uud̶eeba. Mʉʉba jaradea b̶uud̶eeba ne adaui b̶umina ne id̶ikau.

Hebreos 12:27

Waya uribiiruu asiid̶e Dachi Akõreba kuitaabiasii ne joma ichiba waukuad̶a uribiped̶a wãꞌãebii. Maud̶e ab̶aburu chi wãꞌãekáuturu b̶eei.

Santiago 4:14

Maamina machiba adua panuu nubena ewarid̶e kãare sãai. ¿Machiba kuitaa panuka nubena ewarid̶e chokae nuread̶ai? Adua panuu. Machi jʉ̃rʉara kĩra nuree. Jʉ̃rʉara neeped̶a isa wãꞌãebarii kĩra, machi sid̶a kãꞌãabariwãe nuread̶ai.

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Juan 2:17

Nau iujãa kachirua maud̶e joma chi kachirua ẽbẽrarãba wau kʉ̃ria panuu wãꞌãe bai. Maamina chi Dachi Akõreba jara b̶uu bed̶ea wau b̶uu ewaricha ichi ome chokae b̶uai.