1 Corintios 7:29 - Emberá Chamí

²⁹ Ãbarã, mʉʉba nau jara kʉ̃ria b̶uu: nau ewari wãꞌãemaa b̶uu. Maud̶eeba jãabae chi ãbarã kima uru nureerãba Dachi Akõre od̶e wã panuu ida b̶ud̶aabai panuu ãchi wẽra ome nuread̶ai baita. Maumaarã chi kima wãꞌãe b̶uu kĩra nuread̶ai panuu.

1 Corintios 7:29 ပူးပေါင်းရင်းမြစ်များ

Lucas 14:20

Maud̶e ab̶auba jarasii: “Mʉ etea miakãisiid̶eeba poyaa wãabai”.

1 Corintios 7:28

Maamina kãiruubʉrã kachiruawãema. Wẽraba mukĩra adauruubʉrã kachiruawãema. Maamina chi kima adauruu nau iujãad̶e ãrea biꞌiwãe b̶uai. Machi maka ãrea biꞌiwãe panad̶ai mʉʉba kʉ̃riawẽa b̶uu.

1 Corintios 7:30

Ara mau kĩra chi ãbarã kĩra nomaa nuree kĩra nomaawẽa nuree kĩra nuread̶ai panuu. Chi kĩrajʉʉ nuree kĩrajʉʉwẽa nuree kĩra nuread̶ai panuu. Ne nedod̶aba ichiba nedod̶a ewaricha uru b̶uai kʉ̃risia b̶uabai b̶uu.

1 Corintios 7:31

Chi nau iujãa dachiba unu panuu joma wãꞌãemaa b̶uud̶eeba chi ne barau nureeba ne barauwãe nuree kĩra kʉ̃risia nuread̶ai panuu.

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Juan 2:17

Nau iujãa kachirua maud̶e joma chi kachirua ẽbẽrarãba wau kʉ̃ria panuu wãꞌãe bai. Maamina chi Dachi Akõreba jara b̶uu bed̶ea wau b̶uu ewaricha ichi ome chokae b̶uai.