1 Corintios 7:17 - Emberá Chamí

^17-18 Dachi Akõreba dachi iusiid̶e ara dachi panad̶a kĩra nuread̶ai panuu. Mukĩra kakua tõo b̶uasiibʉrã ara maka b̶uai b̶uu. Mukĩra kakua tõowẽa b̶uasiibʉrã ara maka b̶uai b̶uu. Dachicha nuread̶ai panuu Dachi Mechiuba b̶ud̶a kĩra. Mʉʉba ẽbẽrarã Dachi Akõred̶erã araa ãbua imibadaucha maka jaradea b̶uu.

1 Corintios 7:17 ပူးပေါင်းရင်းမြစ်များ

Mateo 19:12

Chi nureeba poyaa warr waud̶akau chi naweba chi warr adauped̶aad̶ad̶eed̶ebena. Chi nureeba poyaa warr waud̶akau maka panabiped̶aad̶ad̶eeba. Maud̶e waabenarãba miakãid̶ai kʉ̃riad̶akau ãchi Mechiu Bajãad̶e B̶uu baita ne waud̶ai baita. Machi poyaa du panuubʉrã, maka panásturu.

1 Corintios 10:32

Machiba wau panuud̶eeba judiorã, judiowãerã maud̶e ẽbẽrarã Dachi Akõred̶erã kachiruad̶e b̶aebirã́sturu.

1 Corintios 11:16

Ab̶auba mau kakua oa kachirua berrea b̶eeruubʉrã, mʉʉba nau ichimaa jaraaruu: daiba maud̶e ẽbẽrarã Dachi Akõred̶erã awara waud̶akau.

1 Corintios 11:34

Ab̶a jarrbisia b̶uubʉrã ichi ded̶e koi b̶uu. Maka araa ãbua imiiduud̶e Dachi Akõreba machi kastikaabai kachirua wau panuud̶eeba. Mʉʉba wabid̶a jaradeai b̶uu machimaa wãaruud̶e joma jaradeai.

1 Corintios 14:33

Dachi Akõreba ororoa nub̶eebikau, maumaarã jirukaraayuwãe b̶uabiabarii. Ẽbẽrarã Dachi Akõred̶erã araa ãbua imiiduucha

1 Corintios 16:1

Mau awara machiba ãbarã Jerusalend̶ebena baita chi nejarra peeduu ʉ̃rʉbena mʉʉba jaraaruu. Mʉʉba ãbarã Galacia druad̶ebenarãmaa jarad̶a kĩra wáusturu.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

1 Corintios 7:24

Ãbarã, Dachi Akõreba dachi iusiid̶e ara dachi panad̶a kĩra nuread̶ai panuu ichi ome.

1 Corintios 7:7

Mʉʉmaarã, biꞌia b̶uai jomaurã mʉ kĩra du nuread̶ai. Maamina Dachi Akõreba dachicha saka nuread̶ai deasii. Dachi Akõreba chi nureemaa du nuread̶ai dea b̶uu. Maud̶e chi nureemaa kima adaud̶ai dea b̶uu.

2 Corintios 11:28

Mau awara ewaricha joma ãbarã druachad̶ebena ʉ̃rʉbena mʉ ãrea jirukaraa b̶uabarii.

2 Corintios 8:18

Ichi ome daiba ãba ab̶a bʉiduu. Mau ãbaba chi bed̶ea bia Cristo ʉ̃rʉbena aid̶a jaradea nibabariid̶eeba ãbarã puuruchad̶ebenaba ichi ʉ̃rʉbena biꞌia jarabadau.

Gálatas 1:22

Cristod̶e ijãabadaurã Judea druad̶ebenarãba mʉ unud̶akau basii.

1 Tesalonicenses 2:14

Ãbarã, machiba ijãa panuu kakua ara machi druad̶ebenarãba kachirua wau panasid̶au Dachi Akõred̶e ẽbẽrarã judiorã druad̶e makaped̶aad̶a kĩra. Aria Jesucristod̶e ijãabadaurã judiorã chi ijãad̶akaurãba kachirua wau panasid̶au.

2 Tesalonicenses 1:4

Mau baita daiba ẽbẽrarã Dachi Akõred̶erã panuucha machi ʉ̃rʉbena kĩrajʉʉ nebʉrʉbadau. Daiba jarabadau ẽbẽrarãba kachirua waud̶ai baita wãraa panumina machiba Cristod̶e wabid̶a ijãa panuu maud̶e ãrea biꞌiwãe panumina joma dauchia jãadua panuu.