1 Corintios 7:15 - Emberá Chamí

¹⁵ Maamina chi Jesusd̶e ijãawẽa b̶uu ichi kimad̶ebena ãyaa wã kʉ̃ria b̶uubʉrã, makarã́bad̶e ad̶aabai panuu. Maka chi ijãa b̶uu chi ãyaa wãd̶a ijãawẽa b̶uu ome b̶eebai b̶uu. Dachi Akõreba dachi jirukaraayuwãe nuread̶amera iusii.

1 Corintios 7:15 ပူးပေါင်းရင်းမြစ်များ

Mateo 12:50

Mʉ Chacha bajãad̶e b̶uuba waud̶ai kʉ̃ria b̶uu, mau mʉ ãbabʉ, mʉ neekaubʉ maud̶e mʉ nawebʉ.

Lucas 9:39

Mau jai kachiruaba uru b̶uu. Mauba chi warr jidauruud̶e, b̶iabibarii, wawabibarii maud̶e okarrd̶aa kõpepeabibarii. Mauba mʉ warr ida b̶ukau.

Romanos 12:18

Machiba jʉrʉ́sturu jomaurã ome jirukaraayuwãe panad̶ai baita.

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

1 Corintios 14:33

Dachi Akõreba ororoa nub̶eebikau, maumaarã jirukaraayuwãe b̶uabiabarii. Ẽbẽrarã Dachi Akõred̶erã araa ãbua imiiduucha

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Santiago 2:15

Nau kĩra b̶uu. Ãbaba maebʉrã neekauba paru jʉ̃i baita maud̶e koi baita wãꞌãe b̶uubʉrã,