1 Corintios 6:8 - Emberá Chamí

⁸ Maamina machiaburu ẽbẽrarãmaa kachirua waubadau maud̶e nechiruabadau. Biawãra ãrea kachirua wau panuu, ara machi ãbarãmaa maka waubadaud̶eeba.

1 Corintios 6:8 ပူးပေါင်းရင်းမြစ်များ

Mateo 20:13

Maamina chi drua uva uud̶a chibariba ãchid̶ebena ab̶aumaa jarasii: “Kõpaero, mʉʉba bichi jipa wau b̶uu. ¿Bichiba mʉ ome bed̶ea dead̶awãeka ewari ab̶a chi nejarra bare trajai?

Marcos 10:19

Bichiba kuitaa b̶uu Dachi Akõreba waubi b̶uu bed̶ea: mia bearã́se, junebena miakãid̶a ome kãi b̶eerã́se, nechiruarã́se, setaa jararã́se waabenarã ʉ̃rʉbena, waabenarã setaa kũruarã́se, bichi akõre maud̶e bichi nawe wapeadee b̶uase.

Colosenses 3:25

Maamina chi kachirua wau b̶uu Dachi Akõreba kastikai. Ichiba joma arab̶aud̶e kastikabarii.

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

Santiago 5:4

Machi ne uu nub̶uud̶e trajabadaurãmaa chi nejarra dead̶awẽa panuu ãchi traju bare. Maud̶eeba ãchiba Dachi Akõremaa ʉtaa id̶i panuu kastikamera. ¡Ũrísturu! Dachi Mechiu chi joma poyaa wau b̶uuba ũrisii maarãba ʉtaa id̶iped̶aad̶a.