1 Corintios 6:20 - Emberá Chamí

²⁰ Dachi Akõreba machi nedosii. Dachi Akõred̶ed̶eeba machi kakuad̶e maud̶e jaurid̶e kĩra jipa panásturu.

1 Corintios 6:20 ပူးပေါင်းရင်းမြစ်များ

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 6:19

Mʉʉba maka berrea b̶uu nau kʉ̃risia jaradeai baita. Maka jaradea b̶uu machiba ãi kʉ̃risiarãad̶amera. Biawãra naed̶e ara machi du ab̶a deasid̶au kachirua baita bari trajabadaurã nuread̶ai baita. Maka machiba mia pera wausid̶aud̶e joma kachirua ewaricha aude wau panabachid̶au. Maamina jãabae Dachi Akõre baita bari trajabadaurãd̶eeba, ara machi du ab̶a deásturu jipa waud̶ai baita. Maka Dachi Akõre baita biꞌia nuread̶ai.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

1 Corintios 7:23

Cristoba paaruuba machi nedosii. Maud̶eeba waabena chibari baita bari trajabarii panarã́sturu.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

Hebreos 9:12

Aria chi «Dachi Akõre baita biꞌia b̶uu piezad̶e» b̶es ab̶a ed̶a wãsii. Wãsiid̶e chivo oa maud̶e paka warr oa Dachi Akõre daad̶e jĩtod̶okai baita adoebasii. Maumaarã ara ichi oa adoesii. B̶es ab̶a maka wausiiba dachi karibasii ewaricha nebʉraswãe nuread̶amera.

1 Pedro 1:18

Naed̶e machi chi kʉ̃risia biawãed̶e nibabachid̶au machi nabẽraed̶ebenarãba maka jaradeabachid̶aud̶eeba. Maamina kuitaa panuu Dachi Akõreba machi maud̶ebena karibasii. Ichiba machi nedoobasii nee ãrea b̶uakauba maebʉrã parata ãrea b̶uakauba, maumaarã Cristo oa chi nejarr ãrea id̶ibadauba nedosii. Cristo chi bibuara nii oeja cheke Dachi Akõremaa baa dead̶a kĩra b̶uasii.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

2 Pedro 2:1

Israel puurud̶ebenarã tãed̶e Dachi Akõre baita berreabadaurã setaa jaradeabadaurã basii. Machi tãed̶e bid̶a setaa jaradeabadaurã baraai. Setad̶eeba ãchiba dachi o ãyaa wãbiabarii kʉ̃risia, Dachi Akõre bed̶ea kĩra jaradead̶ai. Dachi Mechiu Jesusba ãchi kariba b̶uad̶a unud̶akau ad̶ai. Maud̶eeba Dachi Akõreba isa kastikai.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.