1 Corintios 5:11 - Emberá Chamí

¹¹ Maumaarã mʉʉba machi baita b̶ʉsii barikiuba ara ichi ãba aaruubʉrã, maamina barikiu kachirua wau niibʉrã, chi nejarra kʉ̃ria niibʉrã, Dachi Akõre kuenda juaba ne kaped̶aad̶amaa ʉtaa id̶i niibʉrã, setad̶eeba waabena kachirua jara niibʉrã, itua biu niibʉrã, maebʉrã chirua niibʉrã, mau ẽbẽra ome ãbua panad̶aabai panuu maud̶e ãbua kod̶aabai panuu.

1 Corintios 5:11 ပူးပေါင်းရင်းမြစ်များ

Mateo 18:17

Wabid̶a ãchiba jaraaduu ichiba ũri kʉ̃riawẽebʉrã, Dachi Akõred̶e ijãabadaurãmaa joma ãbua iuped̶a ãchimaa mau ʉ̃rʉbena jarase. Maamina Dachi Akõred̶e ijãabadaurãba jaraaduu ũrii kʉ̃riawẽebʉrã, ichi Dachi Akõred̶e ijãakau kĩra maebʉrã Romad̶ebena baita chi nejarra pebarii kĩra ida b̶ústuru.

Mateo 23:25

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba basu maud̶e paratu chi ʉ̃rʉbena biꞌia jeraabadau, maamina ed̶are kachirua nuree. Ara mau kĩra machi sõd̶e bid̶a ne joma adaud̶ai kʉ̃riabadau maud̶e chi machiba kachirua kʉ̃riabadau, ara maka waubadau.

Lucas 18:11

Fariseo akʉ nub̶eeped̶a ara ichi ʉ̃rʉbena naka ʉtaa id̶isii: “Dachi Akõre, mʉʉba bichimaa bichíturu kid̶ibai a jaraaruu mʉ waabenarã kĩra niiwãed̶eeba. Ãchi nechiruabadau, kachirua waubadau, wẽra junebena ome kãi duaneebadau. Maud̶e mʉ Romad̶ebena baita chi nejarra pebarii kĩra niiwãe.

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 9:17

Ara makʉd̶e Ananias Saulo b̶uumaa wãsii. Chi ded̶e ed̶a wãped̶a ichi jua Saulo ʉ̃rʉ kub̶uped̶a jarasii: «Ãba Saulo, Dachi Mechiu Jesús, chi bichiba od̶e unubid̶aba, mʉ neebisii waya bichi dauba unumera maud̶e Dachi Akõre Jaurid̶eeba b̶eemera».

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

1 Corintios 10:14

Maud̶eeba mʉ ãbarã mʉa kʉ̃riakuabarii, Dachi Akõre kuenda juaba ne kaped̶aad̶a ida b̶ústuru.

1 Corintios 11:21

Jomaurã need̶ai naed̶e machicha chi chiko kobadau. Maud̶e chi nuree jarrbisia duaneebarii maud̶e chi nuree itua biu duaneebarii.

1 Corintios 6:6

Mau ãyaa ãba waabena ãba ome kĩru berread̶aped̶a nau iujãad̶ebena juezrãmaa wãbadau. Biawãra maka waud̶aabai panuu chi Dachi Akõred̶e ijãad̶akaurã daad̶e kĩru berreabadaud̶eeba.

1 Corintios 6:9

¿Machiba adua panuka chi kachirua waubadau Dachi Akõre juad̶e panad̶aabai, ichid̶irã baara? ¡Ara machi du ab̶a setaa kũruarã́sturu! Chi kakuaba barikiu kachirua waubadaurã, Dachi Akõre kuenda juaba ne kaped̶aad̶a kĩraare ʉtaa id̶i nuree, junebena ome kãi topaneebadaurã, mukĩra wẽra kĩra nuree, mukĩra ab̶aarakau mukĩra ome panabadaurã, nechiruabadaurã, chi nejarra kʉ̃riabadaurã, itua biu nibabadaurã, setad̶eeba waabena ʉ̃rʉbena kachirua jarabadaurã maud̶e waabena setaa kũruabadaurã Dachi Akõre puurud̶e panad̶aabai.

1 Corintios 7:12

Chi nuree ãbarãmaa mʉʉba nau (nau Dachi Mechiu Jesusba mʉʉmaa jaradeabiwẽma): ãbaba chi wẽra Jesusd̶e ijãawẽa b̶uu uru b̶uubʉrã, maud̶e mau wẽra ichi ome b̶uai kʉ̃ria b̶uubʉrã, mau ãbaba chi mau amaabai b̶uu.

1 Corintios 7:15

Maamina chi Jesusd̶e ijãawẽa b̶uu ichi kimad̶ebena ãyaa wã kʉ̃ria b̶uubʉrã, makarã́bad̶e ad̶aabai panuu. Maka chi ijãa b̶uu chi ãyaa wãd̶a ijãawẽa b̶uu ome b̶eebai b̶uu. Dachi Akõreba dachi jirukaraayuwãe nuread̶amera iusii.

1 Corintios 8:11

Maka chi ne joma koi b̶uu kuitaa b̶uuba chi mau ʉ̃rʉbena chi ãrea adua nii ãba, chi mau Cristo biusii kakua ãba, ichid̶e ijãai ida b̶ubii.

Gálatas 2:12

Naka kachirua wausii: chi nuree ãbarã judiorã ẽbẽrarã Santiagod̶ebenarã Antioquía puurud̶aa wãsid̶au. Ãchiba jarabachid̶au judiowãerã mukĩra chi kakua tõod̶ai panuu ẽbẽrarã Dachi Akõred̶erã nuread̶ai baita. Ãchi need̶ai naed̶e Pedro ãbarã judiowãerã ome kobachii, maamina mau ãbarã judiorã need̶aped̶a ichi waya ãbarã judiowãerã ome koobasii. Maumaarã ãyaa wãsii. Wapea b̶uasii chi judiowãerã ãchi mukĩra chi kakua tõod̶ai panuu a jara panuu ʉ̃rʉbena.

Efesios 5:18

Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.

Efesios 5:5

Machiba kuitaa panuu junebena wẽra ome kãibadau, ne kĩra nejasia kachirua wau nibabadau, maud̶e ne joma uru panad̶ai kʉ̃riabadau chi Cristo maud̶e Dachi Akõreba dead̶ai a panuu adaud̶aabai. Ne joma uru b̶uu kʉ̃ria b̶uai Dachi Akõre kuenda juaba ne kaped̶aad̶ad̶e ijãa b̶uu kĩra b̶uu, Dachi Akõre audeara, chi ichiba uru b̶uai kʉ̃ria b̶uu aude ijãa b̶uud̶eeba.

Colosenses 3:5

Maud̶eeba joma nau iujãad̶ebena kʉ̃risia machi sõd̶e b̶uu ida b̶ústuru. Dachi kakuaba barikiu kachirua waurã́sturu, mia kĩra nejasia waurã́sturu, ne mia pera waurã́sturu, kʉ̃risia kachirua kʉ̃risiarã́sturu, maud̶e ne kaebea ãrea uru panad̶ai kʉ̃ria panarã́sturu. Chi ne kaebea ãrea kʉ̃ria b̶uu, Dachi Akõre kuenda juaba ne kaped̶aad̶ad̶e ijãa b̶uu kĩra nii.

2 Tesalonicenses 3:14

Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.

1 Timoteo 3:3

Itua biu nibaabai b̶uu. Kĩrubi id̶aa nibaabai b̶uu, maumaarã kĩrabia b̶uai b̶uu. Jomaurã ome jirukaraayuwãe b̶uai b̶uu. Chi nejarra kʉ̃ria nibaiswãe b̶uai b̶uu.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.