1 Corintios 5:10 - Emberá Chamí

¹⁰ Maamina mauba jarawẽa b̶uu chi nau iujãad̶ebena barikiu kachirua waubadaurã ome, chi nejarra kʉ̃riabadaurã ome, nechiruabadaurã ome maud̶e Dachi Akõre kuenda juaba ne kaped̶aad̶amaa ʉtaa id̶ibadaurã ome panad̶aabai panuu. Maarã ome panad̶ai kʉ̃riad̶awẽebʉrã, nau iujãad̶ebena wãd̶ai panuu.

1 Corintios 5:10 ပူးပေါင်းရင်းမြစ်များ

Lucas 18:11

Fariseo akʉ nub̶eeped̶a ara ichi ʉ̃rʉbena naka ʉtaa id̶isii: “Dachi Akõre, mʉʉba bichimaa bichíturu kid̶ibai a jaraaruu mʉ waabenarã kĩra niiwãed̶eeba. Ãchi nechiruabadau, kachirua waubadau, wẽra junebena ome kãi duaneebadau. Maud̶e mʉ Romad̶ebena baita chi nejarra pebarii kĩra niiwãe.

Juan 15:19

Machi nau iujãad̶ebenarã basirã maarãba machi kʉ̃riad̶ai basii ãchid̶ebenad̶eeba. Maamina mʉʉba machi nau iujãad̶ebena adoesii ãchi diware nuread̶amera. Maud̶eeba machi kĩramaabadau.

Juan 17:6

»Bichiba mʉʉmaa ẽbẽrarã chi nuree nau iujãad̶ebena deasii. Mʉʉba maarãmaa joma bichi ʉ̃rʉbena kuitaabiasii. Maarã bichid̶imina, bichiba mʉʉmaa deasii. Maarãba bichi bed̶ea ijãasid̶au.

Juan 17:9

»Mʉʉba bichimaa id̶ii maarã karibamera. Mʉʉba bichimaa id̶iwẽa b̶uu nau iujãad̶ebenarã baita. Maumaarã bichiba mʉʉmaa dead̶arã báitaburu id̶i b̶uu, maarã bichid̶id̶eeba.

Juan 8:23

Maud̶e Jesusba jarasii: —Machi nau iujãad̶ebenabʉ maamina mʉ bajãad̶ebenabʉ. Mʉ nau iujãad̶ebenawãebʉ.

1 Corintios 1:20

Biawãra Dachi Akõreba nau iujãad̶ebena kʉ̃risia kuitaa biꞌiwãe b̶uu kuitaabiasii. Maud̶eeba ¿chi ãrea kuitaa nuree kãare sãasma? ¿Chi Moisesba b̶ʉd̶a jaradeabadaurã kãare sãasma? ¿Chi id̶ibaebena kʉ̃risia kuitaad̶eeba berreabadaurã kãare sãasma?

1 Corintios 10:27

Chi Jesusd̶e ijãawẽa b̶uuba machi kod̶amera iuruubʉrã maud̶e wã kʉ̃riaduubʉrã, wã́sturu. Ichiba dearuu kósturu. Id̶irã́sturu mau chiko Dachi Akõre kuenda juaba ne kaped̶aad̶amaa deaped̶aad̶a bad̶a kuitaad̶ai baita, mau biꞌiwãe b̶uu a kʉ̃risia b̶uud̶eeba.

1 Corintios 5:11

Maumaarã mʉʉba machi baita b̶ʉsii barikiuba ara ichi ãba aaruubʉrã, maamina barikiu kachirua wau niibʉrã, chi nejarra kʉ̃ria niibʉrã, Dachi Akõre kuenda juaba ne kaped̶aad̶amaa ʉtaa id̶i niibʉrã, setad̶eeba waabena kachirua jara niibʉrã, itua biu niibʉrã, maebʉrã chirua niibʉrã, mau ẽbẽra ome ãbua panad̶aabai panuu maud̶e ãbua kod̶aabai panuu.

1 Corintios 5:9

Naed̶e mʉʉba june kartad̶e b̶ʉsii machi chi ãibena ome kãi paneebadaurã ome ãbua panad̶aabai panuu.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Efesios 2:2

Maka nibasid̶au nau iujãad̶ebena kʉ̃risia ijãa panasiid̶eeba maud̶e jai kachiruarã chi aude mechiu nii ijãa panasiid̶eeba. Id̶ibae ichiba chi Dachi Akõre bed̶ea ijãad̶akaurã ichi juad̶e ua b̶uu.

Filipenses 2:15

Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.

1 Juan 4:5

Maarã nau iujãa kachiruad̶ebenarãbʉ. Maud̶eeba nau iujãad̶ebena kʉ̃risia jaradeabadau maud̶e ãchiba jaradea panuu nau iujãad̶e Dachi Akõred̶e ijãad̶akaurãba ijãabadau.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.