1 Corintios 2:8 - Emberá Chamí

⁸ Chi nau iujãad̶ebena karrarã ab̶au bid̶a mau kʉ̃risia kuitaa kuitaad̶aabasii. Kuitaa panad̶a basirã, Dachi Mechiu biꞌia nii cruzd̶e bead̶aabai basii.

1 Corintios 2:8 ပူးပေါင်းရင်းမြစ်များ

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 13:22

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau. Maud̶eeba ne bia waubiad̶akau.

Lucas 23:34

[Maud̶e Jesusba jarasii: «Chacha, jãarãba wau panuu kʉde b̶eerã́se. Jãarãba adua panuu kãare wau panuu».] Mau awara chi kokoroarã Jesús paru saka dead̶akad̶ai kuitaad̶ai baita jemenesid̶au.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 7:48

¿Dai fariseorãba maud̶e waabenarã chi mechiu nuree bid̶a ichid̶e ijãa panuka?

Juan 8:19

Maud̶e ãchiba Jesusmaa id̶isid̶au: —Maka b̶uubʉrã bichi akõre ¿sama b̶uma? Jesusba panausii: —Machiba mʉ unud̶akau maud̶e mʉ Chacha sid̶a unud̶akau. Machiba mʉ biawãra unubadau basirã, mʉ Chacha sid̶a unubadau bai basii.

Hechos 13:27

Jerusalend̶ebenarãba maud̶e ãchi karrarãba Jesús dachi Karibabarii kuitaad̶aabasii. Dachi Akõre baita berreabadaurãba b̶ʉped̶aad̶a bari panabadau ewaricha jĩwa ed̶a jarabadamina ichi ʉ̃rʉbena b̶ʉped̶aad̶a kuitaad̶aabasii. Maumaarã Jesús beabisid̶aud̶e mau bed̶eaba jara b̶uu biawãra wausid̶au.

Hechos 7:2

Estebanba naka panausii: —Mʉ ãbarã judiorã, mʉ jaradea ua b̶uabadaurã, michuburia mʉ bed̶ea ũrísturu. Dachi nabẽraed̶ebena Abraham wabid̶a Mesopotamia druad̶e b̶uasiid̶e Harán puurud̶e b̶uad̶e wãi naed̶e Dachi Akõre chi Biꞌia nii ichimaa neesii.

1 Corintios 1:20

Biawãra Dachi Akõreba nau iujãad̶ebena kʉ̃risia kuitaa biꞌiwãe b̶uu kuitaabiasii. Maud̶eeba ¿chi ãrea kuitaa nuree kãare sãasma? ¿Chi Moisesba b̶ʉd̶a jaradeabadaurã kãare sãasma? ¿Chi id̶ibaebena kʉ̃risia kuitaad̶eeba berreabadaurã kãare sãasma?

1 Corintios 2:6

Maka b̶uud̶e daiba jaradea panuu chi Dachi Akõred̶e ãrea ijãa nureemaa. Ãchi baita mau jaradea panuu chi kʉ̃risia kuitaabʉ. Mau kʉ̃risia kuitaa nau iujãad̶ebenawãema maud̶e nau iujãad̶ebena karrarã kʉ̃risia kuitaawãema. Maarã ãrea panad̶aabai.

2 Corintios 3:14

Maamina ãchiba mau ʉ̃rʉbena kuitaad̶aabasii. Id̶ibae bid̶a judiorãba chi Moisesba b̶ʉd̶a ichiaduud̶e kuitaad̶akau. Ãchi kʉ̃risia wabid̶a paruba mera panuu kĩra nuree, ab̶a Cristod̶éburu mau ãyaa ewaid̶eeba.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Efesios 4:18

Ãchi kʉ̃risia pãriud̶e duanuud̶eeba Dachi Akõre ʉ̃rʉbena kuitaad̶akau. Ãchi sõ chaareaba Dachi Akõre adua nureed̶eeba, chi ichiba chokae duanubiai b̶uu wãꞌãe nuree.

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.

Santiago 2:1

Ãbarã, machiba dachi bia nii Mechiu Jesucristod̶e ijãa panuud̶eeba ab̶a chi waabenarã audeara biꞌia waurã́sturu.