1 Corintios 16:7 - Emberá Chamí

⁷ Naud̶era poyaa kãꞌãa b̶eebaid̶eeba mʉʉba machi ichiad̶e wã kʉ̃riawẽe. Maamina Dachi Mechiuba kʉ̃riaruubʉrã, machimaa wãaruud̶e kãꞌãa b̶uad̶e wãi.

1 Corintios 16:7 ပူးပေါင်းရင်းမြစ်များ

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Hechos 18:21

Maamina wãaruud̶e naka jarasii: —Dachi Akõreba kʉ̃riaruubʉrã mʉ waya machi ichiad̶e neei. Maabae jãbad̶e atauped̶a Efesod̶ebena wãsii.

Romanos 1:10

Mʉʉba ʉtaa id̶ibarii ichiba kʉ̃ria b̶uubʉrã mʉ ida machi ichiad̶e wãbimera.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

2 Corintios 1:15

Machi biawãra kĩrajʉʉd̶ai mʉ kakua mʉʉba kʉ̃risia b̶uud̶eeba, naa mʉʉba kʉ̃risia b̶uasii b̶es ome machi ichiad̶e wãi ãrea aid̶ai baita.

Santiago 4:15

Maud̶eeba biꞌia b̶uu machiba naka jarad̶ayu: «Dachi Mechiuba kʉ̃riaruubʉrã, dachi chokae nuread̶ai. Maabae ne waukuad̶ai».