1 Corintios 16:22 - Emberá Chamí

²² Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

1 Corintios 16:22 ပူးပေါင်းရင်းမြစ်များ

Mateo 10:37

Ab̶auba chi akõre maebʉrã chi nawe mʉ audeara ãrea kʉ̃ria b̶uubʉrã, mau mʉ baara poyaa nibaabai. Ab̶aba chi warr maebʉrã chi kau mʉ audeara ãrea kʉ̃ria b̶uubʉrã, mau mʉ baara poyaa nibaabai.

Juan 14:15

»Machiba mʉ biawãra kʉ̃ria panuubʉrã, mʉ waubi b̶uu bed̶ea ijãa panad̶ai.

Juan 14:21

Chi mʉ waubi b̶uu bed̶ea ũriped̶a wau b̶uuba mʉ kʉ̃ria b̶uu. Ab̶auba mʉ kʉ̃ria b̶uubʉrã, mʉ Chachaba mau kʉ̃ria b̶uai. Maud̶e mʉa bid̶a mau kʉ̃ria b̶uai maud̶e mʉ ichimaa unubii.

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

Juan 15:24

Mʉʉba ãchi daad̶e ẽbẽrarãba ne poyaa waud̶akau waud̶awãe basirã, ãchiba kachirua wauped̶aad̶a kakua nebʉrad̶e nuread̶aabai basii. Maamina mʉʉba waud̶a ãchiba unusid̶amina mʉ, mʉ Chacha sid̶a kĩramaa panuu.

Juan 16:14

Kuitaabiai mʉ chi mechiu nii, mʉ bed̶ea ũriped̶a joma machimaa jaraaruud̶eeba.

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

Hechos 23:14

Ãchi paare mechiurãmaa maud̶e judiorã chõrarãmaa wãd̶aped̶a, maabae jarasid̶au: —Daiba Dachi Akõre daad̶e biawãra jarasid̶au kod̶aabai maud̶e bania dod̶aabai Pablo beaduud̶aa.

1 Corintios 12:3

Maud̶eeba mʉʉba kʉ̃ria b̶uu machiba nau kuitaad̶ayu: Chi Dachi Akõre Jaurid̶eeba berrea b̶uuba «Jesús kachirua nii» akau. Maud̶e chi Dachi Akõre Jaurid̶eeba berreawẽa b̶uuba «Jesús jomaurã Mechiu» akau.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

Filipenses 4:5

Machi ẽbẽrarã bia nuree, jomaurãmaa unubiásturu. Dachi Mechiu neei ewari ʉ̃rʉ ba b̶uu.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

1 Pedro 2:7

Machi chi Cristod̶e ijãabadaurãmaarã, ichi ãrea biꞌia b̶uu. Maamina chi ichid̶e ijãad̶akaurã ʉ̃rʉbena Dachi Akõre bed̶ead̶e naka b̶ʉ kub̶uu: «Chi mo chi de waubadaurãba ida b̶uped̶aad̶a, mau chi biara b̶eesii».

1 Juan 4:19

Dachiba Dachi Akõre kʉ̃ria panuu ichiba dachi naa kʉ̃riasiid̶eeba.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!