1 Corintios 15:42 - Emberá Chamí

⁴² Chi biuped̶aad̶a chokae jiradud̶ai ne uud̶a kĩra b̶uu. Kakua b̶eraabarii jau b̶ubadau maamina kakua b̶eraakau chokae jiradui.

1 Corintios 15:42 ပူးပေါင်းရင်းမြစ်များ

Mateo 13:43

Maamina chi jipa b̶ee ãchi Akõre juad̶e ʉmada kĩra ted̶echoa panad̶ai. Chi kʉʉrʉ bara niiba kauwa ũrise.

Hechos 2:27

Mʉʉba kuitaa b̶uu bichiba mʉ biud̶arã panabadaud̶e nub̶uubai. Mʉ, chi bichi baita bari trajabarii jipa nii ida b̶eraabiibai.

Hechos 2:31

Makai kuitaa b̶uasiid̶eeba ichiba berreasii Dachi Akõreba Dachi Karibabarii deai jarad̶a chokae jiradui ʉ̃rʉbena. Ichiba jarasii Dachi Akõreba mau chi biud̶arã panabadaud̶e nub̶uubai maud̶e ichi chi kakua b̶eraabiibai.

Romanos 1:23

Chi Dachi Akõre biukaraa nii maud̶e biꞌia nii ida b̶usid̶au. Maabae chi ẽbẽra biud̶a kĩra juaba ne kaped̶aad̶amaa ʉtaa id̶i kopaneesid̶au. Ibanarã, ãnimara jʉ̃rʉ kimare nuree maud̶e ãnimara iorod̶e ursu nuree kĩra juaba kaped̶aad̶amaa ʉtaa id̶i kopaneesid̶au.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 8:21

Dachi Akõreba mau biꞌia b̶umera ichi warrarã biꞌia b̶ui kĩra. Chi chibari baita bari trajabarii ena b̶uu kĩra, chi Dachi Akõreba waud̶a makaa b̶eraabai.

1 Corintios 15:41

Ʉmada ʉ̃d̶aa ãyaa nii, jed̶ako ʉ̃d̶aa ãyaa nii, pusterrea ʉ̃d̶aa ãyaa nii. Pusterreacha ʉ̃d̶aa ãyaacha koabadau.

Gálatas 6:8

Maud̶eeba nau kakuaba kachirua wau kʉ̃ria b̶uu ab̶auba wau b̶uubʉrã, Dachi Akõreba mau ẽbẽra ichiai. Maamina Dachi Akõre Jauriba kʉ̃ria b̶uu ab̶auba wau b̶uubʉrã, Dachi Akõreba mau ẽbẽra ewaricha ichi ome chokae b̶ui.

1 Pedro 1:4

ichiba dachi baita bajãad̶e nu uru b̶uu joma adaud̶amera. Mau ãrikau, wãꞌãekau maud̶e kachiruaswãe b̶uu.