1 Corintios 14:6 - Emberá Chamí

⁶ Maud̶eeba ãbarã, mʉ machimaa wãped̶a dachiba ũrid̶akau bed̶ead̶e berrearuubʉrã, ¿machi saka aid̶aima? Aid̶aabai. Maamina dachiba ũribadau bed̶ead̶e Dachi Akõreba mʉʉmaa unubid̶a jaraaruubʉrã, maebʉrã Dachi Akõre kʉ̃risia kuitaad̶eeba berrearuubʉrã, maebʉrã Dachi Akõre baita berrearuubʉrã, maebʉrã Dachi Akõre bed̶ea jaradeaibʉrã mauba joma poyaa aid̶ai.

1 Corintios 14:6 ပူးပေါင်းရင်းမြစ်များ

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 16:17

Jesusba jarasii: —Bichi ãrea biꞌia b̶uu, Simón, Jonás warr. Ab̶au ẽbẽra bid̶a bichimaa mau kuitaabiibasii, maumaarã mʉ Chacha bajãad̶e b̶uuba kuitaabisii.

Mateo 16:26

Ẽbẽra nau iujãad̶e ne joma uru b̶uud̶e biuruubʉrã, ¿ichiba uru b̶uuba karibai b̶uka? Biubiimaaba ichiba uru b̶uud̶ebena ¿sãabe poyaa deaima?

Hechos 2:42

Chi Jesusba bʉid̶arãba jaradea panuu ãchiba ãrea ũribachid̶au. Ãbua biꞌia duanabachid̶au. Pan b̶ʉad̶aped̶a, kobachid̶au. Maud̶e Dachi Akõremaa ʉtaa id̶i panabachid̶au.

Romanos 15:14

Ãbarã, mʉʉba kuitaa b̶uu machiba biꞌia biawãra wau panuu maud̶e ãrea kuitaa panuud̶eeba poyaa chiya jaradead̶ai.

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

Romanos 6:17

Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 14:1

Waabenarã biꞌia kʉ̃ria panásturu. Maud̶e Dachi Akõre Jauriba waubi b̶uu joma wau kʉ̃riásturu. Dachi Akõre baita berread̶ai aude kʉ̃riásturu.

1 Corintios 14:7

Ara mau kĩra ab̶auba purrsiru maebʉrã arpa chaaruubʉrã maamina arakʉd̶e chaawẽebʉrã, jĩwa b̶umina dachiba kuitaad̶aabai kãare chaa b̶uu.

2 Corintios 11:6

Mʉ biꞌia berreakamina, biawãra bed̶ea ãrea kuitaa nii. Mau biawãra bed̶ea daiba nejomad̶eeba machimaa arakʉd̶e kuitaabiasid̶au.

2 Corintios 12:1

Waya ara mʉ ʉ̃rʉbena biꞌia berreai, mauba waabenarã aid̶akamina. Dachi Mechiuba mʉ daumaa unubid̶a maud̶e kuitaabid̶a mʉʉba jaraaruu.

2 Corintios 12:7

Dachi Akõreba mʉʉmaa bajãad̶e unubid̶a ãrea bibuara b̶uasii. Maamina mʉʉba ara mʉ ʉ̃rʉbena ãrea biꞌia kʉ̃risiarãamera, Dachi Akõreba mʉʉmaa puꞌuabisii ʉriba su nub̶uu kĩra. Satanasba bʉid̶aba maka waubarii.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Efesios 3:4

Nau karta ed̶a jara panuud̶e machiba kuitaad̶ai Dachi Akõreba Cristo ʉ̃rʉbena kuitaabiwẽa b̶uad̶a, mau mʉʉba kauwa kuitaa b̶uu.

Filipenses 3:15

Joma dachi Cristo ãrea kuitaa nureerãba ara mau kĩra kʉ̃risiad̶ai panuu. Machiba ãyaa kʉ̃risia panuubʉrã, Dachi Akõreba saka kʉ̃risiad̶ai panuu arakʉd̶e kuitaabiai.

2 Timoteo 2:14

Joma mau ãbarãmaa kĩrababia b̶uase. Dachi Akõre daad̶e jarase maarã barikia bed̶ea kakua kĩru id̶aa berrea panarãad̶amera. Mau kĩru id̶aa berreaba dachi aid̶akau, maumaarã chi ũri nureerãmaa kʉ̃risia kachirua kʉ̃risiabiabarii.

2 Timoteo 3:10

Maamina bichiba nau biꞌia kuitaa b̶uu: mʉʉba jaradea b̶uu, mʉ nibabarii, mʉʉba wau kʉ̃ria b̶uu, mʉʉba Cristod̶e ijãa b̶uu, mʉ jomad̶e jãadua b̶uu, mʉʉba waabenarã kʉ̃ria b̶uu, mʉ jomad̶e dauchia jãadua b̶uu

2 Timoteo 3:16

Dachi Akõreba joma Ichi Bed̶ea b̶ʉbisii. Joma mau biꞌia b̶uu jaradeai baita, kachirua wau nuree kastikai baita, biꞌiwãe wau nuree jipa wau kuitaabiai baita maud̶e saka kĩra jipa nibad̶ai kuitaabiai baita.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

2 Pedro 1:5

Maud̶eeba Cristod̶e ijãa panuud̶eeba ãrea jʉrʉ́sturu jipa nibad̶ai baita; jipa nid̶aud̶e jʉrʉ́sturu kʉ̃risia kuitaa nuread̶ai baita;

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

2 Juan 1:9

Barikiuba Cristoba jaradead̶a ãyaa jaradea nibaaruubʉrã, maebʉrã Cristoba jaradead̶a ida b̶uuruubʉrã, mau Dachi Akõreswãe nii. Maamina barikiuba Cristoba jaradead̶a ijãa niibʉrã, chi Akõre maud̶e chi Warr sid̶a uru b̶uu.