1 Corintios 14:17 - Emberá Chamí

¹⁷ Biawãra bichiba maka berrearuud̶e Dachi Akõremaa ichíturu kid̶ibai abarii kʉ̃ria b̶uu, maamina waabenarã aid̶awẽa b̶uu biꞌia ijãad̶amera.

1 Corintios 14:17 ပူးပေါင်းရင်းမြစ်များ

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

1 Corintios 14:18

Mʉʉba Dachi Akõremaa bichíturu kid̶ibai abarii mʉ machi audeara dachiba ũrid̶akau bed̶ead̶e aude berreabariid̶eeba.

1 Corintios 14:4

Chi dachiba ũrid̶akau bed̶ead̶e berrea b̶uuba ara ichi du ab̶a aid̶a b̶uu biꞌia ijãai baita. Maamina chi Dachi Akõre baita berrea b̶uuba ãbarã aid̶a b̶uu biꞌia ijãad̶amera.

1 Corintios 14:5

Mʉʉmaarã joma machi dachiba ũrid̶akau bed̶ead̶e poyaa berreabadau basirã biꞌia b̶uai basii. Maamina jomaurã Dachi Akõre baita poyaa berreabadau basirã biꞌia b̶uai basii. Biawãra dachiba ũrid̶akau bed̶ead̶e berreai audeara Dachi Akõre baita berreai biꞌia b̶uu. Maamina ab̶auba dachiba ũrid̶akau bed̶ead̶e berreaped̶a kuitaa jaraaruubʉrã, mau sid̶a biꞌia b̶uu. Maka ãbarãba kauwa ũrid̶aped̶a Dachi Akõred̶e biꞌia ijãad̶ai.

1 Corintios 14:6

Maud̶eeba ãbarã, mʉ machimaa wãped̶a dachiba ũrid̶akau bed̶ead̶e berrearuubʉrã, ¿machi saka aid̶aima? Aid̶aabai. Maamina dachiba ũribadau bed̶ead̶e Dachi Akõreba mʉʉmaa unubid̶a jaraaruubʉrã, maebʉrã Dachi Akõre kʉ̃risia kuitaad̶eeba berrearuubʉrã, maebʉrã Dachi Akõre baita berrearuubʉrã, maebʉrã Dachi Akõre bed̶ea jaradeaibʉrã mauba joma poyaa aid̶ai.