1 Corintios 13:7 - Emberá Chamí

⁷ Waabenaba kachirua waud̶a joma jãaduabarii, jomad̶e ijãabarii, waabenaba joma biꞌia waumera esed̶aubarii maud̶e ne jomad̶e jãadua b̶uabarii.

1 Corintios 13:7 ပူးပေါင်းရင်းမြစ်များ

Mateo 10:22

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

Marcos 9:23

Maud̶e Jesusba jarasii: —Bichiba ¿saka mʉʉmaa poyaa karibai b̶uubʉrã a b̶uma? Ijãa b̶uubʉrã, mʉʉba joma poyaa karibai.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

Romanos 8:24

Dachi Akõreba dachi karibasiid̶eeba mau esed̶au panuu. Chi dachiba esed̶au panuu wabid̶a wãꞌãe panuu. Uru panad̶a basirã ¿sakãe esed̶au panad̶ai basma? ¿Kaiba ichiba chi uru b̶uu, adaui baita esed̶au b̶uaima?

1 Corintios 13:4

Chi waabenarã kʉ̃riabariiba joma jãadua b̶uu, waabena kĩra chuburiabarii, waabenaba uru b̶uu uru b̶uai kʉ̃riakau, waabena audeara biꞌia nii jarakau maud̶e maka nii kʉ̃risiakau.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

2 Tesalonicenses 1:4

Mau baita daiba ẽbẽrarã Dachi Akõred̶erã panuucha machi ʉ̃rʉbena kĩrajʉʉ nebʉrʉbadau. Daiba jarabadau ẽbẽrarãba kachirua waud̶ai baita wãraa panumina machiba Cristod̶e wabid̶a ijãa panuu maud̶e ãrea biꞌiwãe panumina joma dauchia jãadua panuu.

2 Timoteo 2:24

Chi Dachi Mechiu baita bari trajabarii oa kachirua berrea b̶uabai b̶uu, maumaarã jomaurã ome sõbia b̶uai b̶uu. Jaradea kuitaa b̶uai b̶uu. Jomaurã ome jãadua b̶uai b̶uu.

2 Timoteo 3:11

maud̶e mʉ wãraa panuu kachirua waud̶ai baita. Antioquiad̶e, Iconio puurud̶e maud̶e Listrad̶e mʉ kachirua waud̶ai baita wãraaped̶aad̶a bichiba biꞌia kuitaa b̶uu. Mʉ ãrea biꞌiwãe b̶uasii. Maamina Dachi Mechiuba joma maud̶ebena karibasii.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

Hebreos 13:13

Maud̶eeba puuru awara Jesusmaa wãaduu kĩra ichi baara wãd̶ai panuu. Ẽbẽrarãba Jesús kachirua jaraped̶aad̶a kĩra dachi sid̶a kachirua jaraaduud̶e ãwatad̶ai panuu.

Santiago 1:12

Ab̶a kachirua waui kʉ̃risia dauchia jãadua b̶uubʉrã, Dachi Akõre daad̶e ãrea biꞌia b̶uu. Joma dauchia jãaduaruud̶e Dachi Akõreba boro jũra dearuu kĩra ichi ewaricha chokae b̶uabii. Dachi Akõreba joma ichi kʉ̃ria nureerã biawãrad̶eeba maka chokae b̶uabiai.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.