1 Corintios 12:9 - Emberá Chamí

⁹ Dachi Akõre Jauri ara ab̶a niiba chi nureemaa dea b̶uu poyaa ãrea ijãa panad̶amera. Maud̶e Dachi Akõre Jauri ara ab̶a niiba chi nureemaa dea b̶uu ẽpermo nuree poyaa aribiabiad̶amera.

1 Corintios 12:9 ပူးပေါင်းရင်းမြစ်များ

Mateo 10:8

Maud̶eeba ẽpermo nuree aribiabiásturu, biuped̶aad̶a chokae jiradubiásturu, kakua chau nuree aribiabiásturu, jai kachirua awara duabʉ́isturu. Maka waud̶amera mʉʉba machimaa chi poyaabarii bari dearuu. Maud̶eeba ẽbẽrarã bari karibásturu.

Mateo 21:21

Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

Marcos 16:18

Ãchi juaba dama jidaud̶ai. Nearãa dooduubʉrã mauba kachirua waubai. Maud̶e chi ẽpermo nuree ʉ̃rʉ ãchi jua kub̶uuduud̶e aribiabiad̶ai».

Marcos 6:13

Mau awara jai kachirua ãrea ẽbẽrarã kakuad̶ebena duabʉikuasid̶au maud̶e ãrea ẽpermo nuree olivo draaba puruuduud̶e aribiabiabachid̶au.

Lucas 10:9

Mau awara chi ẽpermo nuree aribiabiásturu. Maarãmaa naka jarásturu: “Dachi Akõreba machi ichi juad̶e ua b̶eei, ichid̶irã baara”.

Lucas 9:2

Maud̶e ãchi bʉikasii Dachi Akõreba ichid̶irã ichi juad̶e ua b̶uai ʉ̃rʉbena jarad̶e wãd̶amera maud̶e ẽpermo nuree aribiabiad̶amera.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 5:15

Jesusba bʉid̶arãba ẽbẽrarãba ne poyaa waud̶akau ãrea wau panuud̶eeba ẽbẽrarãba ãchi ẽpermo nureerã od̶e jira adoebadaud̶e adoebachid̶au, Pedro wãaruu niid̶e, ichi jauriba ãchi ʉ̃rʉ borooruba aribiabimera.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

1 Corintios 12:30

¿Dachi Akõreba jomaurãmaa deasika ẽpermo nuree poyaa aribiabiad̶amera? ¿Dachi Akõreba jomaurãmaa deasika dachiba ũrid̶akau bed̶ead̶e poyaa berread̶amera? ¿Jomaurãba dachiba ũrid̶akau bed̶ead̶e jarad̶a poyaa kuitaa jarad̶ai panuka?

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

2 Corintios 4:13

Dachi Akõre bed̶ead̶e b̶ʉ kub̶uu: «Mʉʉba Dachi Akõred̶e ijãasiid̶eeba berreasii». Ara mau kĩra daiba Dachi Akõred̶e biawãra ijãa panuud̶eeba ichi ʉ̃rʉbena berrea panuu.

Efesios 2:8

Jesusd̶e ijãasid̶aud̶eeba Dachi Akõreba ichi sõbiad̶eeba machi karibasii. Ara machi du ab̶a karibad̶aabasii, maumaarã Dachi Akõréburu bari karibasii.

Hebreos 11:33

Dachi Akõred̶e ijãa panasiid̶eeba chi nureeba drua poyaasid̶au, chi nureeba ãchi drua jipa uru nureasii maud̶e chi nureeba drua nau iujãad̶e Dachi Akõreba deai jarad̶a irsibisid̶au. Dachi Akõred̶e ijãa panasiid̶eeba chi nuree Dachi Akõreba imamamaa ida kobiabasii.