1 Corintios 12:26 - Emberá Chamí

²⁶ Dachi kakuad̶ebena ab̶a puꞌuaruubʉrã, chi kakua joma puꞌuabarii. Ara mau kĩra dachi kakuad̶ebena ab̶a biꞌia jaraaruubʉrã, joma kĩrajʉʉbadau.

1 Corintios 12:26 ပူးပေါင်းရင်းမြစ်များ

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Mateo 5:29

»Maud̶eeba bichi dau jua biarebenaba bichimaa kachirua waubiiruubʉrã, chi dau ẽetaped̶a jiratase, mau kachirua waurãamera. Bichi kakuad̶ebena ab̶a wãꞌãerumina ewaricha Dachi Akõre ome b̶uai. Mau bibuara b̶uu Dachi Akõreba joma bichi kakua tʉbʉchia aoko kub̶uu kiikaud̶e jiratai bad̶amaarã.

Romanos 12:15

Chi kĩrajʉʉ nuree ome kĩrajʉʉ panásturu. Chi kĩra nomaa nuree ome kĩra nomaa panásturu.

1 Corintios 12:25

Maka wausii dachi kakua kachirua b̶eerãamera, maumaarã dachi kakuad̶e nuree chiya nu panad̶amera.

1 Corintios 12:27

Ara mau kĩra machi joma ara chi Cristo kakua kĩra nuree. Machi ichi kakuad̶ebenarãbʉ.

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

Hebreos 13:3

Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.