1 Corintios 11:7 - Emberá Chamí

⁷ Mukĩrarã borod̶e ne jʉ̃d̶aabai panuu Dachi Akõreba ara ichi kĩra wausiid̶eeba maud̶e mukĩrarãba Dachi Akõre ãchi chibari unubi panuud̶eeba. Maamina wẽrarãba unubi panuu mukĩra ãchi chibaribʉ.

1 Corintios 11:7 ပူးပေါင်းရင်းမြစ်များ

1 Corintios 11:3

Maamina mʉʉba kʉ̃ria b̶uu machiba kuitaad̶ai Cristo, joma mukĩra chibaribʉ; mukĩra, wẽra chibaribʉ; maud̶e Dachi Akõre, Cristo chibaribʉ.

1 Corintios 11:6

Wẽra chi borod̶e ne jʉ̃wẽebʉrã, boro tʉʉi b̶uu. Maamina boro tʉʉped̶a nejasiai b̶uubʉrã maebʉrã boro metad̶a nejasiai b̶uubʉrã, borod̶e ne jʉ̃i b̶uu.

2 Corintios 8:23

Barikiuba Tito ʉ̃rʉbena id̶iiruubʉrã jarásturu ichi mʉ baara nibabarii maud̶e mʉ ome machi tãed̶e Dachi Akõre traju wau b̶uu. Barikiuba chi maarã ome ʉ̃rʉbena id̶iiruubʉrã jarásturu chi ãbarãba maarã bʉiped̶aad̶arã maud̶e ãchi kakua Cristo ʉ̃rʉbena biꞌia berrea panuu.

Santiago 3:9

Dachi kẽrameba Dachi Bajãad̶ebena Mechiumaa biꞌia berreabadau maud̶e ara mau kẽrameba ẽbẽrarãmaa kachirua jarabadau, Dachi Akõreba mau ẽbẽra ara ichi kĩra waud̶amina.