1 Corintios 11:34 - Emberá Chamí

³⁴ Ab̶a jarrbisia b̶uubʉrã ichi ded̶e koi b̶uu. Maka araa ãbua imiiduud̶e Dachi Akõreba machi kastikaabai kachirua wau panuud̶eeba. Mʉʉba wabid̶a jaradeai b̶uu machimaa wãaruud̶e joma jaradeai.

1 Corintios 11:34 ပူးပေါင်းရင်းမြစ်များ

1 Corintios 11:33

Maud̶eeba mʉ ãbarã, Dachi Mechiu kĩrabad̶ai baita kobadau wauduud̶e jomaurã esed̶áusturu ãbua kod̶ai baita.

1 Corintios 16:1

Mau awara machiba ãbarã Jerusalend̶ebena baita chi nejarra peeduu ʉ̃rʉbena mʉʉba jaraaruu. Mʉʉba ãbarã Galacia druad̶ebenarãmaa jarad̶a kĩra wáusturu.

1 Corintios 16:2

Misacha machicha chi nejarra kanabadaud̶ebena awara b̶uped̶aad̶a merásturu. Makarã mʉ neeruud̶e machiba ped̶aabai.

1 Corintios 16:5

Mʉ naa Macedonia druad̶aa wãi b̶uu. Maabae machimaa wãi.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

1 Corintios 7:17

Dachi Akõreba dachi iusiid̶e ara dachi panad̶a kĩra nuread̶ai panuu. Mukĩra kakua tõo b̶uasiibʉrã ara maka b̶uai b̶uu. Mukĩra kakua tõowẽa b̶uasiibʉrã ara maka b̶uai b̶uu. Dachicha nuread̶ai panuu Dachi Mechiuba b̶ud̶a kĩra. Mʉʉba ẽbẽrarã Dachi Akõred̶erã araa ãbua imibadaucha maka jaradea b̶uu.

Tito 1:5

Mʉʉba bichi Creta islad̶e b̶ʉisii dachiba waud̶ai b̶uu joma waumera. Mʉʉba jarad̶a kĩra ijãabadaurã nubadaurã puurucha b̶ukuase.