1 Corintios 10:27 - Emberá Chamí

²⁷ Chi Jesusd̶e ijãawẽa b̶uuba machi kod̶amera iuruubʉrã maud̶e wã kʉ̃riaduubʉrã, wã́sturu. Ichiba dearuu kósturu. Id̶irã́sturu mau chiko Dachi Akõre kuenda juaba ne kaped̶aad̶amaa deaped̶aad̶a bad̶a kuitaad̶ai baita, mau biꞌiwãe b̶uu a kʉ̃risia b̶uud̶eeba.

1 Corintios 10:27 ပူးပေါင်းရင်းမြစ်များ

Lucas 15:23

Maabae paka warr chi aude borea nii beásturu kod̶ai baita. ¡Kĩrajʉ́duru! Mʉ warr biu b̶uad̶a chokae jiradusii; barikiad̶e wã b̶uad̶a dachiba waya unusid̶au”. Maabae ãrea kĩrajʉʉ duaneesid̶au.

Lucas 19:7

Mau unud̶akare jomaurãba Jesús ʉ̃rʉbena naka kachirua berrea bara b̶eesii: «¡Jãu Jesús ẽbẽra kachirua waubarii ded̶e kãi b̶eed̶e wãsii!».

1 Corintios 10:25

Kiuru nedobʉibadaumare nedobʉid̶a joma kod̶ai panuu. Maamina id̶irã́sturu mau kiuru chi Dachi Akõre kuenda juaba ne kaped̶aad̶amaa deaped̶aad̶a bad̶a kuitaad̶ai baita, mau biꞌiwãe b̶uu a kʉ̃risia panuud̶eeba.

2 Corintios 1:13

Daiba kartad̶e b̶ʉd̶aabasii chi machiba poyaa kuitaad̶aabai panuu. Mʉʉba kʉ̃risia b̶uu machiba b̶aꞌãra kuitaaped̶aad̶a ãrea kuitaa kãribad̶ayu. Maka machi dai kakua kĩrajʉʉd̶ai maud̶e Dachi Mechiu Jesús neeruud̶e dai machi kakua kĩrajʉʉd̶ai.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.