1 Corintios 10:14 - Emberá Chamí

¹⁴ Maud̶eeba mʉ ãbarã mʉa kʉ̃riakuabarii, Dachi Akõre kuenda juaba ne kaped̶aad̶a ida b̶ústuru.

1 Corintios 10:14 ပူးပေါင်းရင်းမြစ်များ

Hechos 15:20

Maumaarã kartad̶e b̶ʉd̶ai panuu Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Romanos 12:19

Ãbarã, ab̶auba machi kachirua wausiibʉrã ara mau kachirua waurã́sturu. Maumaarã ida b̶ústuru Dachi Akõreba kastikamera. Dachi Akõre bed̶ead̶e naka b̶ʉ kub̶uu: «Mʉaburu chi nebʉra kastikai. Jomaurãmaa deai ãchiba wauped̶aad̶a kĩra», a jara b̶uu Dachi Mechiuba.

1 Corintios 10:15

Mʉʉba machimaa berrearuu kʉ̃risia kuitaa nureerãmaa berrearuu kĩra. Ãrea kʉ̃risiásturu mʉʉba jara b̶uu biawãra kuitaai.

1 Corintios 10:19

Maamina mʉʉba jarawẽa b̶uu chi Dachi Akõre kuenda juaba ne kaped̶aad̶a biawãrabʉ. Chi maarãmaa kiuru dead̶ad̶ebena kiuru kĩra b̶uu.

1 Corintios 10:7

Juaba ne kaped̶aad̶ad̶e ijãarã́sturu waabenarã chi nureeba ijãaped̶aad̶a kĩra. Dachi Akõre bed̶ead̶e ãchi ʉ̃rʉbena naka b̶ʉ kub̶uu: «Ẽbẽrarã akʉ paneed̶aped̶a kĩrajʉʉ ãbua ko duanasid̶au maud̶e itua do duanasid̶au. Mau maad̶akare jiradud̶aped̶a ãchi kakuaba wau kʉ̃ria b̶uu wau duaneesid̶au».

1 Corintios 5:11

Maumaarã mʉʉba machi baita b̶ʉsii barikiuba ara ichi ãba aaruubʉrã, maamina barikiu kachirua wau niibʉrã, chi nejarra kʉ̃ria niibʉrã, Dachi Akõre kuenda juaba ne kaped̶aad̶amaa ʉtaa id̶i niibʉrã, setad̶eeba waabena kachirua jara niibʉrã, itua biu niibʉrã, maebʉrã chirua niibʉrã, mau ẽbẽra ome ãbua panad̶aabai panuu maud̶e ãbua kod̶aabai panuu.

2 Corintios 11:11

¿Mʉʉba sakãe maka chi nejarra id̶iwẽa b̶uma? ¿Machi kʉ̃riawẽa b̶uud̶eeba maka wau b̶uka? Dachi Akõreba kuitaa b̶uu mʉʉba machi kʉ̃ria b̶uu.

2 Corintios 12:15

Ara mʉ maud̶e joma mʉʉba uru b̶uu kĩrajʉʉ deai machi aid̶ai baita. Mʉ ãrea kʉ̃riad̶awẽa panumina, mʉʉba machi aude kʉ̃riakua b̶uai.

2 Corintios 12:19

¿Machimaarã daiba maka jara panuka dai ʉ̃rʉbena kachirua kʉ̃risiarãad̶amera? Makawãema. Ãbarã, dai Cristod̶erãd̶eeba Dachi Akõre daad̶e joma mau jara panuu machiba biꞌia ijãad̶amera.

2 Corintios 6:17

Maud̶eeba Dachi Mechiuba naka jarasii: «Maarãd̶ebena ãyaa wã́sturu. Maarã ome araa ãbua panarã́sturu. Mʉʉba chi biꞌia unukau ida b̶ústuru. Maabae mʉʉba machi biꞌia irsibii.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Filipenses 4:1

Maud̶eeba mʉ ãbarã, mʉʉba jarad̶a kĩra Dachi Mechiud̶e ãrea ijãa panásturu. Mʉʉba machi ãrea kʉ̃ria b̶uu maud̶e unu kʉ̃ria b̶uu. Machi kakua, mʉ ãrea kĩrajʉʉ b̶uu. Machi mʉ kĩrajʉʉbibadaubʉ.

Filemón 1:1

Mʉ Pablobʉ. Jesucristo kakua jʉ̃a b̶uu. Dachi ãba Timoteo nama b̶uu. Ãba Filemón, daiba bichi kʉ̃ria panuu. Bichiba dai kĩra Dachi Akõre traju wau b̶uud̶eeba mʉʉba nau karta bichi baita b̶ʉʉruu.

Hebreos 6:9

Ãbarã, dachi maka berrea duanumina kuitaa panuu Dachi Akõreba machi karibasii o biad̶e wãaduud̶eeba.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

1 Juan 5:21

Mʉ warrarã, Dachi Akõre kuenda juaba ne kaped̶aad̶ad̶e ijãarã́sturu.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.