1 Corintios 1:17 - Emberá Chamí

¹⁷ Cristoba mʉ bʉibasii ẽbẽrarã boro ea b̶uamera, maumaarã bʉisii chi bed̶ea bia ichi ʉ̃rʉbena jaradeamera. Nau iujãad̶ebena kʉ̃risia kuitaad̶eeba jaradeawẽa b̶uu, Cristo cruzd̶e biud̶a poyaaswãe b̶eerãamera.

1 Corintios 1:17 ပူးပေါင်းရင်းမြစ်များ

Juan 4:1

Mau ewarid̶e fariseorãba ũrisid̶au Jesusba Juan audeara ẽbẽrarã ãrea ua b̶uu maud̶e boro eakua b̶uu.

Juan 4:2

(Biawãra Jesusba ẽbẽrarã boro eaka basii. Ichi baara nibabadaurã́buru boro eabachid̶au).

Hechos 10:48

Maabae Pedroba ãchi Jesucristo trʉ̃d̶eeba boro eabisii. Mau maad̶akare ãchiba chi chuburia id̶isid̶au ichi ãchi ome aribia b̶uamera.

1 Corintios 2:1

Ãbarã, mʉʉba Dachi Akõre ʉ̃rʉbena machimaa jaradead̶e wãsiid̶e berrea mipitaa berrea b̶uud̶eeba mʉ kʉ̃risia kuitaad̶eeba ne ab̶a bid̶a jaradeabasii.

1 Corintios 2:13

Ara mau ʉ̃rʉbena daiba berrea panuu. Maamina nau iujãad̶ebena kʉ̃risia kuitaad̶eeba berrea panuuwãema, maumaarã Dachi Akõre Jauriba daimaa jaradea b̶uu kĩra berrea panuu. Maka Dachi Akõre Jauriba kuitaabi b̶uu daiba jaradea panuu ichiba berreabi b̶uu kĩra.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 11:6

Mʉ biꞌia berreakamina, biawãra bed̶ea ãrea kuitaa nii. Mau biawãra bed̶ea daiba nejomad̶eeba machimaa arakʉd̶e kuitaabiasid̶au.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Pedro 1:16

Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.