எபிரெயம்மாரு 5:14 - Moundadan Chetty

¹⁴ எந்நங்ங, கட்டியுள்ளா ஆகார ஒயித்தாயி வளர்ந்நாக்காக ஆப்புது பேக்காத்து; அந்த்தலாக்காக ஆக்கள அனுபவதாளெ ஒள்ளேது ஏது, ஹொல்லாத்துது ஏது ஹளி திரிச்சறிவத்தெ பற்றுகொள்ளு.

எபிரெயம்மாரு 5:14 ပူးပေါင်းရင်းမြစ်များ

மத்தாயி 5:48

அதுகொண்டு, சொர்க்காளெ இப்பா நிங்கள அப்பாங் சம்பூரணமாயிற்றெ ஒள்ளேவனாயி இப்பாஹேதினாளெ நிங்களும் ஒள்ளேக்களாயி தென்னெ ஜீவிசிவா.”

ரோமாக்காரு 14:1

தெய்வதமேலெ நிங்காக நம்பிக்கெ உள்ளா ஹாற மற்றுள்ளாக்காக கூடுதலு நம்பிக்கெ உட்டாகஆயிக்கு; அதுகொண்டு ஆக்க கீவா காரெத பீத்து, ஆக்கள குற்றக்காரு ஹளி தீர்ப்பு ஹளுவாட.

1 கொரிந்தி 2:6

எந்நங்ங நா தெய்வதபற்றி கொறச்சு அருதிப்பாக்களகூடெ கூட்டகூடதாப்பங்ங, நனங்ஙுள்ளா புத்தியாளெ கூட்டகூடுக்கு ஹளி பிஜாரிசிதிங்; எந்நங்ங, நசிச்சு ஹோப்பா லோகத புத்தியாளெயும் அல்ல; லோகத்தலவம்மாரா புத்தியாளெயும் அல்ல; தெய்வதபற்றி நனங்ஙுள்ளா புத்தியாளெ ஆப்புது கூட்டகூடிது.

எபேசியம்மாரு 1:18

தெய்வ நிங்கள ஏமாரி அந்தசாயிற்றெ ஜீவுசத்தெபேக்காயி ஊதுது ஹளியும், ஏசின நம்பா மற்றுள்ளாக்கள எடேக நிங்காக கிட்டிப்பா மதிப்பு எத்தஹோற தொட்டுது ஹளியும் அறிவத்துள்ளா பொளிச்ச நிங்காக கிட்டத்தெ பேக்காயும் நா பிரார்த்தனெ கீவுதாப்புது.

பிலிப்பி 3:15

அதுகொண்டு நங்களாளெ தெய்வகாரெ அனிசருசுதுனாளெ தெகெஞ்ஞாக்க எல்லாரும், ஈ சிந்தெ உள்ளாக்களாயிருக்கு; ஏதிங்ஙி காரெயாளெ நிங்க பேறெ ஏனிங்ஙி சிந்தெ உள்ளாக்களாயி இத்துதுட்டிங்ஙி அதன பற்றிட்டுள்ளா சத்திய ஏனொக்க ஹளி தெய்வ நிங்காக மனசிலுமாடி தக்கு.

1 திமோத்தி 4:7

தெய்வ பக்திக பிரயோஜனப்படாத்த கெட்டுக்கதெ ஒந்நங்ஙும் கீயி கொடாதெ; தெய்வ இஷ்டப்படா ஹாற ஜீவுசத்தெ பற்றிதா ஒள்ளெ சீலங்ஙளா வளர்த்திக.

எபிரெயம்மாரு 6:1

அதுகொண்டு நிங்க தொடக்கதாளெ கேட்டிப்பா கிறிஸ்தின பற்றிட்டுள்ளா அடிஸ்தானமாயிற்றுள்ளா உபதேசதாளெ இத்துடுவாட; ஆ உபதேச ஏதொக்க ஹளிங்ங, நரகாக கொண்டு ஹோப்பத்துள்ளா பிறவர்த்திந்த மனசுதிரிஞ்ஞு பொப்புதன பற்றிட்டுள்ளா உபதேச, தெய்வதமேலெ நம்பிக்கெ பீப்புதன பற்றிட்டுள்ளா உபதேச, ஸ்நானகர்ம ஏற்றெத்துதன பற்றிட்டுள்ளா உபதேச, தெலேமேலெ கைபீத்து பிரார்த்தனெ கீவுதனபற்றிட்டுள்ளா உபதேச, சாவிந்த ஜீவோடெ ஏளுதன பற்றிட்டுள்ளா உபதேச, நித்தியமாயிற்றுள்ளா ஞாயவிதித பற்றிட்டுள்ளா உபதேச இதொக்க தென்னெயாப்புது. இதனாளெ நிந்துடாதெ வளர்ச்செ உள்ளாக்களாயி ஆவுக்கு.

யாக்கோபு 3:2

ஏனாக ஹளிங்ங, தெய்வ ஞாயத பற்றி கூட்டகூடா நங்க எல்லாரிகும் பல வாக்கினாளெயும் தெற்று பற்றீதெ; எந்த்தெ ஹளிங்ங, அவங் ஹளிதா ஹாற தென்னெ நெடிவத்தெ படிச்சங்ங, அவங் தன்ன வாக்கினும், தன்னும் பூரணமாயிற்றெ அடக்கத்தெ படிச்சாவனாப்புது.