அப்போஸ்தலம்மாரு 17:10 - Moundadan Chetty

¹⁰ சபெக்காரு பெட்டெந்நு அந்து ராத்திரிதென்னெ பவுலினும், சீலாவினும் பெரேயா ஹளா பட்டணாக ஹளாயிச்சுபுட்டுரு; ஆக்க அல்லிப்பா யூதம்மாரா பிரார்த்தனெ மெனேக ஹோதுரு.

அப்போஸ்தலம்மாரு 17:10 ပူးပေါင်းရင်းမြစ်များ

அப்போஸ்தலம்மாரு 1:15

அந்தத்தஜின சுமாரு நூறா இப்பத்து சிஷ்யம்மாரு அல்லி கூடித்துரு; அம்மங்ங பேதுரு ஆக்கள நடுவின எத்து நிந்தட்டு,

அப்போஸ்தலம்மாரு 15:22

அம்மங்ங அப்போஸ்தலம்மாரும், மூப்பம்மாரும், சபெக்காரு எல்லாருங்கூடி, கூட்டுக்காறாளெ செலாக்கள தெரெஞ்ஞெத்தி பவுலு, பர்னபாசினகூடெ அந்தியோக்கியாக ஹளாய்ப்புது ஒள்ளேது ஹளி தீருமானிசிட்டு, சபெயாளெ விஷேஷப்பட்டாக்களாயித்தா பர்சபா ஹளா யூதாவினும், சீலாவினும் தெரெஞ்ஞெத்திரு.

அப்போஸ்தலம்மாரு 17:1

அதுகளிஞட்டு ஆக்க அம்பிபோலி, அப்பொலோனி ஹளா பட்டணகூடி யாத்றெகீது தெசலோனிக்கெ பட்டணாக பந்து எத்திரு; அல்லி, ஒந்து யூத பிரார்த்தனெமெனெ உட்டாயித்து.

அப்போஸ்தலம்மாரு 17:2

பவுலு, பதிவாயிற்றெ எல்லா ஆழ்ச்செயாளெயும் பிரார்த்தனேக ஹோப்பா ஹாற, ஆக்கள பிரார்த்தனெ மெனேக ஹோயி, மூறு ஒழிவுஜினதாளெயும் தெய்வ வஜனத சத்தியங்ஙளு ஆக்களகூடெ கூட்டகூடிதாங்.

அப்போஸ்தலம்மாரு 17:4

அம்மங்ங, வஜன கேட்டாக்களாளெ கொறே யூதம்மாரும், பக்திஉள்ளா கிரீக்கம்மாராளெ பலரும், அந்தஸ்துள்ளா கொறே ஹெண்ணாகளும், ஆக்க ஹளிதன நம்பி ஏற்றெத்திட்டு, பவுலினகூடெயும், சீலாவினகூடெயும் கூடிரு.

அப்போஸ்தலம்மாரு 17:6

எந்நங்ங, பவுலும் சீலாவும் அல்லி இல்லெ ஹளி கண்டட்டு, ஆசானினும், ஏசின நம்பா செல கூட்டுக்காறினும் ஹிடுத்து, எளத்து கொண்டு ஹோயி, பட்டணதாளெ இப்பா அதிகாரிமாரா முந்தாக நிருத்திரு; எந்தட்டு, “லோகத கலக்கிண்டிப்பாக்க இல்லிகும் பந்துதீரெ.

அப்போஸ்தலம்மாரு 20:4

அம்மங்ங பெரேயந்த சோபத்தரும், தெசலோனிக்கெந்த அரிஸ்தர்க்கும், செக்கந்தும், தெர்பெந்த காயுவும், திமோத்தியும், ஆசியந்த தீகிக்கும், துரோபீமும் கூடி, ஆசியாவரெட்ட பவுலின சங்கத்தெ பந்துரு.

அப்போஸ்தலம்மாரு 9:20

சவுலு தாமசாதெ யூத பிரார்த்தனெ மெனேக ஹோயி, ஏசு தென்னெயாப்புது தெய்வத மங்ங ஹளி, பிரசங்ங கீவத்தெகூடிதாங்.

அப்போஸ்தலம்மாரு 9:25

எந்நங்ங சவுலின சிஷ்யம்மாரு; அந்து ராத்திரி சவுலின கூட்டிண்டுஹோயி, கூட்டெயாளெ பீத்து பட்டணத மதிலின ஓட்டெகூடி ஹொறெயேக எறக்கிபுட்டுரு.

1 தெசலோனி 2:2

நிங்களப்படெ பொப்புதனமுச்செ பிலிப்பி பட்டணதாளெ ஒள்ளெவர்த்தமான அறிசிதும், அல்லிபீத்து நங்க பட்டா கஷ்டும், அவமான ஒக்க நிங்க அருதுதீரெயல்லோ? எந்நங்ஙும், ஆ கஷ்டதாளெ தளராதெ இப்பத்தெபேக்காயி தெய்வ நங்காக பெல தந்துதுகொண்டு ஆப்புது, நிங்களப்படெ பந்தட்டு தைரெயாயிற்றெ ஒள்ளெவர்த்தமான அருசத்தெ பற்றிது.