Santiago 4:6 - Anang Ambal Ang Dios – Bago Nga Katipan

⁶ Bukun lang dan, kondi ginakaloyan na kita nga mayad. Maman dan nga nagakoon ang Kasolatan nga “Ginakontra ang Dios ang adakun, kag ginakaloyan na ang mga mapainubusun.”

Santiago 4:6 ပူးပေါင်းရင်းမြစ်များ

Mateo 13:12

Ay ang tao nga may naulaman run nga kamatoodan kag anang ginasonod dogangan pa gid ang Dios anang pagintindi, kag doro anang idogang kanana. Piro ang tao tana nga ara nagasonod sa anang naulaman nga kamatoodan, pati anang naulaman nga maistan bubulun pa kanana.

Mateo 23:12

Ang nagapataas-taas anang kaogalingun ipaubus ang Dios. Piro ang nagapaubus tana maman anang ipataas ang Dios.”

Lucas 1:52

Ginpaalin na ang mga gamanan nga mga ari sa andang trono. Kag ginpataas na ang mga kubus andang kaimtangan.

Lucas 14:11

Ay ang bisan sino nga nagapataas-taas anang kaogalingun ibubutang sa ubus, piro ang nagapaubus tana pataasun ang Dios.”

Lucas 18:14

Sa matood tana, ang tao nga dia nagoli sa anang balay nga ginabilang run ang Dios nga matarung. Ang isara tana ara. Ay ang bisan sino nga nagapataas sa anang kaogalingun ipaubus ang Dios, piro ang nagapaubus tana anang kaogalingun pataasun.”

Santiago 4:10

Magpaubus kamo sa Ginoo, kag dan pataasun na kamo.

1 Pedro 5:5

Kag kamo nga mga bataun pa, magpasakup kamo sa mga malam. Magpaubus kamo tanan kag magsirbi sa isara kag isara, ay nagakoon ang Kasolatan, “Ginakontra ang Dios ang bogalun piro ginakaloyan na ang mapainubusun.”