Roma 16:16 - Anang Ambal Ang Dios – Bago Nga Katipan

¹⁶ Magkoromostaan kamo bilang magkarabogto kay Cristo. Ang tanan nga kay Cristo sa mga simbaan digi nagapangomosta kanindo dian.

Roma 16:16 ပူးပေါင်းရင်းမြစ်များ

Mga Binoatan 20:28

Bantayi nindo nga mayad indong kaogalingun kag bantayi nindo ra ang tanan anang mga tao ang Dios nga ginapabantayan kanindo ang Ispirito Santo. Asikasoon nindo gid nga mayad ay gintobos sanda ang Dios paagi sa anang dogo anang Bata mismo.

Mga Binoatan 20:37

Nagtangis sanda nga tanan, kag ginakus nanda si Pablo kag ginarukan.

1 Corinto 16:20

Nagapangomosta ra kanindo ang tanan nga mga tomoloo digi. Ipakita nindo indong pagigogma sa isara kag isara bilang mga tomoloo kag magkarabogto kay Cristo.

2 Corinto 13:12

Ipakita nindo indong gogma sa isara kag isara bilang tanda nga kamo manda magkarabogto tungud sa indong pagtoo kay Cristo. Ang tanan nga mga tomoloo digi nagapangomosta kanindo.

1 Tesalonica 5:26

Komosta run lang sa tanan ta nga mga kabogto dian ang pangomosta nga tuduk sa indong tagiposoon.

1 Pedro 5:14

Magkaramostaan kamo nga may Kristoanun nga pagigogma. Kabay pa nga mayad ra gid indong kaimtangan dian, tanan kamo nga kay Cristo.