Mga Binoatan 9:33 - Anang Ambal Ang Dios – Bago Nga Katipan

³³ Doto sa logar nga dato nakita ni Pedro ang tao nga anang aran si Eneas. Dia nga tao paralitiko kag ara gid kabangon sa anang iringgaan sa sulud walo ka toig.

Mga Binoatan 9:33 ပူးပေါင်းရင်းမြစ်များ

Mateo 4:24

Naging bantog tana sa bilog nga Syria, gani ginpandara ang mga tao kanana ang tanan nga mga masakitun; bisan ang mga nagaantos nga mayad tungud sa andang mga masakit, ang mga ginasuludan ang mga malain nga ispirito, ang mga koyapun kag ang mga paralitiko. Kag sanda tanan ginpangayad ni Jesus.

Marcos 5:25

May babai doto nga dosi ka toig run nga ginatagas-tagasan ang dogo.

Marcos 9:21

Nagpamangkot si Jesus sa anang tatay, makon na, “Pira run kaboay nga nagatoladan ang bata?” Makon anang tatay ang bata, “Alin ang maistan tana pa.

Lucas 13:16

Kon ginaimo nindo dan sa sapat, basi indi ta pagimoon ang mayad sa babai nga dia nga isara ra sa anang mga kaliwat ni Abraham? Gingapos tana ni Satanas sa sulud 18 ka toig, gani dapat libriun tana sa anang gaum ni Satanas abir kon dia Adlaw nga Inogpaway.”

Juan 5:5

Karon, may sangka tao doto nga anang masakit 38 ron ka toig.

Juan 9:1

Mintras nagapanaw sanday Jesus, may nakita sanda nga tao nga bolag alin pa anang pagkabata.

Juan 9:21

Piro kon paiwan nagayad anang mga mata kag kon sino ang nagpaayad kanana, dan ang ara kami kaulam. Pamangkota nindo tana ay may buut tana run da kag makasabat para sa anang kaogalingun.”

Mga Binoatan 14:8

Doto sa Listra may sangka tao nga indi kapanaw ay lopog tana alin pa anang pagkabata.

Mga Binoatan 3:2

Karon, doto sa pwertaan ang timplo may tao nga piang alin pa anang pagkabata. Adlaw-adlaw ginadara tana sa pwertaan nga dato, nga kon tawagun “Masadya”, agud magpalimos sa mga tao nga nagasurulud sa timplo.

Mga Binoatan 4:22

Ay anang idad ang tao nga ginayad paagi sa milagro nga dato sobra run 40 ka toig.

Mga Binoatan 9:32

Karon, si Pedro tana, sigi anang libot-libot sa iba-ibang logar agud bisitaun anang mga bata ang Dios. Kag nagayan tana ra sa mga tomoloo doto sa Lida.

Mga Binoatan 9:34

Makon ni Pedro kanana, “Eneas, ginayad ka run ni Ginoong Jesu-Cristo. Gani pagbangon kag imusun imong iringgaan.” Kag nagbangon ra nga lagi si Eneas.