Mga Binoatan 5:22 - Anang Ambal Ang Dios – Bago Nga Katipan

²² Piro pagabot ang mga polis doto sa prisoan, ara run doto ang mga apostolis. Gani dayon sandang balik doto sa konsilyo.

Mga Binoatan 5:22 ပူးပေါင်းရင်းမြစ်များ

Mateo 26:58

Si Pedro nagsonod ra, garing marayu anang antad kay Jesus. Pagabot nanda sa balay ang pinakamataas nga pari, nagsulud tana sa lagwirta kag nagpongko tana doto kaiban ang mga goardia agud makita na kon ano ang matatabo kay Jesus.

Mga Binoatan 12:18

Pagkasanag nagkagolo nga mayad ang mga goardya ay ara run si Pedro kag ara sanda kaulam kon ano ang natabo kanana.

Mga Binoatan 5:23

Makon nanda, “Pagabot namun doto sa prisoan nakita namun nga may mga kandado pa ang mga pwertaan, kag ang mga goardya doto ra sa may mga pwertaan nagabantay. Piro pagbokas namun ang prisoan ara kami may nakita nga tao doto.”

Mga Binoatan 5:26

Gani nagayan dayon doto sa timplo anang kapitan ang mga goardya kag anang mga sinakupan kag ginbuul nanda ang mga apostolis, piro ara nanda pagpoirsaa tungud nga naadlukan sanda basi kon pasilun sanda ang mga tao.