Mga Binoatan 28:25 - Anang Ambal Ang Dios – Bago Nga Katipan

²⁵ Kag tungud nga indi sanda magkarasogot, nagoroli sanda. Piro bago sanda nagoroli may ginambal pa si Pablo kananda. Makon na, “Ara gid matood nagsala anang koon ang Ispirito Santo sa atun mga kaolang-olangan paagi kay propita Isaias.

Mga Binoatan 28:25 ပူးပေါင်းရင်းမြစ်များ

Mateo 15:7

Mga pakitang-tao! Matood ra gid anang koon ang Dios parti kanindo paagi kay Isaias. Makon na,

Marcos 7:6

Ginsabat sanda ni Jesus nga nagakoon, “Ara gid matood nagsala si Isaias nga propita sa anang gintagna parti kanindo nga mga pakitang-tao. Makon ang Dios sa anang ginsolat ni Isaias: ‘Ang mga tao nga dia nagataod kanakun sa baba lang, Piro ang matood tana andang tagiposoon marayu kanakun.

Mga Binoatan 28:24

Ang iba nagpati sa anang ginambal, piro ang iba tana indi magpati.

Mga Binoatan 28:26

Ay makon na, ‘Ayani ang mga tao nga dia kag konon mo sanda nga maski magiwan sanda pamati indi sanda makaintindi, kag maski magiwan sanda sulung indi sanda makakita.

Mga Binoatan 28:29

Pagkaambal dato ni Pablo nagoroli ang mga Judio nga mainit andang pagdiriskosyon.]

Mga Binoatan 8:29

Makon ang Ispirito Santo kay Felipe, “Ayani doto kag magpadungan sa karo.”

Hebreo 3:7

Gani pario anang koon ang Ispirito Santo, “Kon mabatian nindo dadi anang limug ang Dios,

2 Pedro 1:21

Tungud nga ara sanda nagambal alin sa andang kaogalingun nga isip, kondi ang Ispirito Santo maman ang nagpaambal kananda anang ambal ang Dios.