Mga Binoatan 20:34 - Anang Ambal Ang Dios – Bago Nga Katipan

³⁴ Kamo mismo nakaulam nga nagobra ako agud may gastoson ako kag akun mga kaiban.

Mga Binoatan 20:34 ပူးပေါင်းရင်းမြစ်များ

Mga Binoatan 18:3

Kag tungud nga sanda pario kanana nga manogimo torda, doto tana nagdayon kananda kag nagkaiban sanda sa andang obra.

Mga Binoatan 19:22

Ginpaona na sa Macedonia ang darwa sa anang mga kabolig nga si Timoteo kag si Erasto, kag tana tana nagpaboay-boay pa doto sa probinsya ang Asia.

Mga Binoatan 19:29

Kag ang gamo nga dato naglapnag sa bilog nga siodad. Dinakup nanda anang mga kaiban ni Pablo nga si Gayo kag si Aristarco nga mga taga-Macedonia. Pagkatapos nagdaralagan sanda nga tanan sa andang tiriponan nga ginagoyod ang darwa.

Mga Binoatan 20:35

Ginimo ko dato agud ipakita ko kanindo nga paagi sa osto nga pagpangabudlay dapat maboboligan ta ang mga malisud. Dumdumun ta pirmi anang koon ni Ginoong Jesus nga mas mabaul atun kalipay kon kita ang nagataw kaysa kon kita ang ginatawan.”

1 Corinto 4:12

Nagaobra kami kag nagapaolas para lang maboi. Ginapangamoyo namun ang mga tao nga nagapasipala kanamun nga bindisyonan sanda pa ra gid ang Dios. Kag ginaagoanta namun lang gid ang mga pagingabot.

1 Tesalonica 2:9

Nadudumduman nindo ra mga kabogto nga bukun-bukun amun pagpangabudlay ang dian kami pa kanindo. Ay mintras nagtodlo kami kanindo ang Mayad nga Barita alin sa Dios, adlaw-gabi ra amun obra agud indi kamo paglisudan sa pagsagod kanamun.

Tito 3:15

Akun mga kaiban digi nagapangomosta ra kanimo. Ipaabot mo ra amun mga pagpangomosta sa atun kapario nga mga tomoloo dian nga nagaigogma kanamun. Kabay pa nga bindisyonan kamo ra gid nga tanan ang Dios.