Mga Binoatan 16:38 - Anang Ambal Ang Dios – Bago Nga Katipan

³⁸ Pagkasogid ang mga polis sa mga opisyalis anang ambal ni Pablo nga sanda mga pomoloyo ra nga sakup ang Roma, kinulbaan sanda.

Mga Binoatan 16:38 ပူးပေါင်းရင်းမြစ်များ

Mateo 14:5

Ipapatay andan ni Herodes si Juan, garing naadlukan tana ra sa mga Judio tungud nga ginakabig nanda si Juan nga propita.

Mateo 21:46

Gani gosto nanda run gid andan nga dakupun si Jesus, piro ginaadlukan sanda sa mga tao tungud nga ginakilala nanda nga propita si Jesus.

Lucas 12:11

“Kon tungud sa indong pagtoo daraun kamo sa anang mga simbaan ang mga Judio okon sa mga manogdomara ang mga banwa agud imbistigarun, indi kamo magpalibug kon ano indong isabat.

Mga Binoatan 16:35

Pagkaaga nagsogo ang mga opisyalis sa mga polis nga pamolyawan run sanday Pablo.

Mga Binoatan 22:29

Nagatras nga lagi ang mga soldado nga magaanot ron andan kay Pablo. Pati ang komandir ginadlukan ra tungud nga ginpagapos na si Pablo nga pomoloyo gali ang Roma.