Mga Binoatan 14:8 - Anang Ambal Ang Dios – Bago Nga Katipan

⁸ Doto sa Listra may sangka tao nga indi kapanaw ay lopog tana alin pa anang pagkabata.

Mga Binoatan 14:8 ပူးပေါင်းရင်းမြစ်များ

Juan 5:7

Makon da ang masakitun nga dato, “Andan, piro ara tao nga magdara kanakun sa tobig kon ginalawgaw ron ang angil. Mintras nagapaayan ako pa lang sa tobig may naoona pirmi kanakun.”

Mga Binoatan 14:21

Ginwali ni Pablo kag ni Bernabe ang Mayad nga Barita doto sa Derbe kag doro andang nadara nga maging somolonod ni Jesu-Cristo. Pagkatapos nagbalik sanda ruman sa Listra, sa Iconio, kag sa Antioquia nga sa Pisidia.

Mga Binoatan 14:6

Pagkaulam ang mga apostolis nga toladato ang plano kananda nagpalagyaw sanda sa Listra kag sa Derbe, nga mga siodad nga sakup ang Licaonia, kag sa palibot nga logar.

Mga Binoatan 16:1

Nagpadayon sanday Pablo asta sa Derbe kag sa Listra. Karon may tomoloo doto sa Listra nga si Timoteo. Anang nanay Judio kag tomoloo ra, piro anang tatay Griego.

Mga Binoatan 3:2

Karon, doto sa pwertaan ang timplo may tao nga piang alin pa anang pagkabata. Adlaw-adlaw ginadara tana sa pwertaan nga dato, nga kon tawagun “Masadya”, agud magpalimos sa mga tao nga nagasurulud sa timplo.

Mga Binoatan 4:9

kon ang ginapamangkot nindo kanamun ay parti sa anang pagayad ang tao nga dia nga piang,

2 Timoteo 3:11

Naulaman mo ang mga natabo kanakun ang doto ako sa Antioquia, sa Iconio, kag sa Listra, kag kon paiwan ko ginagoanta ang mga pagingabot. Piro sa tanan nga dan ginlowas ako ang Ginoo.