Mateo 5:25 - Anang Ambal Ang Dios – Bago Nga Katipan

²⁵ “Kon may magakosar kanimo, magpakigariglo kaw nga lagi kanana mintras ara kamo pa kaabot sa korti. Ay kon kamo doto ron sa wis basi kon iintriga kaw ang wis sa polis kag prisoon kaw dayon.

Mateo 5:25 ပူးပေါင်းရင်းမြစ်များ

Mateo 26:58

Si Pedro nagsonod ra, garing marayu anang antad kay Jesus. Pagabot nanda sa balay ang pinakamataas nga pari, nagsulud tana sa lagwirta kag nagpongko tana doto kaiban ang mga goardia agud makita na kon ano ang matatabo kay Jesus.

Lucas 18:3

Kag doto ra sa siodad nga dato may balo nga nagabalik-balik pirmi sa wis nga dato ay nagapabolig tana sa anang kaso.

2 Corinto 6:2

Ay makon ang Dios, “Sa osto nga tyimpo ginpamatian ko ikaw, kag sa oras ang kalowasan ginboligan ko ikaw.” Gani pamatii nindo! Dadi run gid ang osto nga tyimpo nga lowasun kita ang Dios.

Hebreo 12:17

Naulaman nindo ra nga ang ori gani gosto na maangkun ang bindisyon para sa pagkapanganay piro ara pagtawan. Ay indi na run mabago anang ginimo bisan ginpanangisan na pa.

Hebreo 3:13

Indong imoon tana, magparadumduman kamo adlaw-adlaw mintras may tyimpo pa agud indi kamo mapatalang ang sala nga magapatugas indong tagiposoon.

Hebreo 3:7

Gani pario anang koon ang Ispirito Santo, “Kon mabatian nindo dadi anang limug ang Dios,