Mateo 25:16 - Anang Ambal Ang Dios – Bago Nga Katipan

¹⁶ Ang sorogoon nga nakabaton 5,000 nagnigosyo nga lagi kag nakaganansya tana pa gid 5,000.

Mateo 25:16 ပူးပေါင်းရင်းမြစ်များ

Mateo 18:24

Mintras nagaosisa tana andang mga otang, may gindara kanana nga sorogoon nga anang otang minilyon.

Mateo 25:17

Maman ra anang ginimo ang nakabaton 2,000, kag nakaganansya tana 2,000.

Lucas 19:13

Piro bago tana nagalin ginpatawag na anang napolo ka sorogoon kag ginpanawan koarta ang kada isara kananda nga parario anang kantidad, kag nagkoon tana kananda, makon na, ‘Patikanga nindo akun ginpanaw nga dan kanindo mintras ara ako.’

Mga Binoatan 13:36

Karon, bukun si David anang ginakoon nga dato, tungud nga pagkatapos anang pagsirbi ni David sa mga tao sono sa anang ginapaimo ang Dios kanana, napatay tana kag ginlubung sa kilid ang ginlubungan anang mga kaolang-olangan kag anang lawas naronot.

1 Corinto 15:10

Piro sa kalooy ang Dios kanakun, dadi apostol ako ron. Kag ara may makakoon nga ara polos anang kalooy nga dato ang Dios kanakun, tungud nga ang matood tana, mas doro akun naimo kon ikomparar sa anang naimo akun kapario nga mga apostolis. Piro dato bukun sa akun kaogalingun, kondi tungud sa anang kalooy kag bolig ang Dios.

2 Timoteo 2:6

Kag kon matandus kaw, magabaton kaw balus alin sa Ginoo. Pario ang mangongoma nga nagapangabudlay, kabay tana maman ang ona nga makapakinabang sa anang patubas.