Mateo 14:23 - Anang Ambal Ang Dios – Bago Nga Katipan

²³ Kag pagkatapos nga makapanaw ang mga tao nagtokad tana sa bokid nga tana lang agud magpangamoyo. Nagabian tana doto.

Mateo 14:23 ပူးပေါင်းရင်းမြစ်များ

Mateo 26:36

Nagayan sanda dayon sa logar nga kon tawagun Getsemane. Pagabot nanda doto, makon ni Jesus sa anang mga somolonod, “Pagpongko kamo digi mintras nagapangamoyo ako doto sa onaan.”

Mateo 6:6

Piro kamo tana, kon kamo magpangamoyo, magsulud kamo sa indong koarto kag magpanirado. Kag doto kamo magpangamoyo sa indong Tatay nga sa langit nga indi makita. Kag indong Tatay nga nakakakita indong ginaimo sa sikrito maman ang magabalus kanindo.

Marcos 1:35

Ang madason nga adlaw, madulumdulum pa, nagbangon si Jesus kag nagayan sa logar nga ara tao kag nagpangamoyo.

Marcos 6:46

Kag pagkatapos nga makaalin ang mga tao nagtokad tana sa bokid agud magpangamoyo.

Lucas 3:21

May adlaw nga nagapangbunyag si Juan sa mga tao kag si Jesus nagpabunyag ra kanana. Pagkatapos, mintras nagapangamoyo si Jesus, nagabri ang langit

Lucas 5:16

Piro anang ginimo tana ni Jesus, nagayan tana sa logar nga ara tao kag nagpangamoyo.

Lucas 6:12

Sa mga inadlaw nga dato may bisis nga si Jesus nagtokad sa may bokid agud magpangamoyo, kag sang gabi gid anang pangamoyo doto.

Lucas 9:18

May adlaw nga nagpabulag si Jesus sa mga tao agud magpangamoyo. Anang mga somolonod kaiban na ra. Karon nagpamangkot si Jesus kananda, makon na, “Sono sa mga tao, sino ako kono?”

Lucas 9:28

Mga walo ka adlaw pagkatapos nga maambal na dia, gindara na si Pedro, si Juan, kag si Santiago patokad sa bokid agud magpangamoyo.

Mga Binoatan 6:4

Kag kami tana, gamitun namun amun tyimpo sa pagpangamoyo kag sa pagwali anang ambal ang Dios.”