Mateo 14:15 - Anang Ambal Ang Dios – Bago Nga Katipan

¹⁵ Pagkaapon, nagparapit kanana anang mga somolonod. Makon nanda, “Madali run lang masalup ang adlaw, kag ara paman bario nga marapit-rapit digi. Paayana run ang mga tao sa mga bario agud makabakal sanda andang pagkaun.”

Mateo 14:15 ပူးပေါင်းရင်းမြစ်များ

Mateo 14:13

Pagkabati dato ni Jesus, nagsakay tana sa sakayan kag nagayan sa logar nga ara tao. Piro pagkabati ang mga tao alin sa sari-sari nga mga banwa nga si Jesus nakaalin run, nagpanaw sanda paayan sa anang arayanan.

Mateo 14:14

Pagsalta ni Jesus, nakita na ang doro gid nga mga tao. Nalooy tana nga mayad kananda, gani ginpangayad na ang mga masakitun nga andang gindara doto.

Mateo 14:16

Makon ni Jesus kananda, “Indi kinanglan nga paalinun sanda. Kamo mismo ang magtaw pagkaun kananda.”

Mateo 15:23

Piro ara nagsapak si Jesus. Anang mga somolonod nagparapit kanana kag magkoon, “Paalina ang babai nga dan, way sigi anang sonod kanatun kag nagalingaw!”

Marcos 8:3

Kon paoliun ko sanda nga gutum sabun doplayun sanda sa dalan ay marayu gid anang ginalinan ang iba kananda.”

Lucas 9:12

Datong masasalup run ang adlaw, nagparapit kanana anang dosi ka apostolis. Makon nanda, “Paayana run ang mga tao sa mga bario kag sa mga sityo nga sa palibot agud makapangita sanda andang pagkaun kag karatorogan, ay digi kita paman sa logar nga ara tao.”