Marcos 16:7 - Anang Ambal Ang Dios – Bago Nga Katipan

⁷ Pagkatapos nga andang nakita dato makon na, “Ta panaw kamo, sogidi nindo anang mga somolonod kag labi run gid si Pedro nga maona si Jesus doto sa Galilea, kag doto nindo tana makikita sono sa anang koon kanindo.”

Marcos 16:7 ပူးပေါင်းရင်းမြစ်များ

Mateo 26:32

Piro pagkatapos nga ako mabanaw maona ako kanindo doto sa probinsya ang Galilea.”

Mateo 28:10

Makon ni Jesus kananda, “Indi kamo magkaadluk. Ayani nindo akun mga kabogto kag konon nindo sanda nga magayan sanda doto sa Galilea. Doto makikita nanda ako.”

Mateo 28:7

Pagkatapos makon ang angil kananda, “Ta ayani nindo nga lagi anang mga somolonod, kag sogidan nindo sanda nga nabanaw tana run, kag maona tana doto sa Galilea. Doto nindo tana makikita. Indi nindo paglipatan akun ginsogid nga dia kanindo.”

Marcos 14:28

Piro pagkatapos nga ako mabanaw, maona ako kanindo doto sa probinsya ang Galilea.”

Marcos 14:50

Kag ginbayaan tana dayon anang mga somolonod kag nagparalagyaw sanda tanan.

Marcos 16:8

Gani naggoroa ang mga babai sa ginlubungan kag nagdaralagan ay nagakurudug sanda sa kaadluk. Ara sanda gid may ginsogidan ay ginpangadlukan sanda gani.

Juan 21:1

Pagkatapos pira ka adlaw, nagpakita ruman si Jesus sa anang mga somolonod doto sa baybay ang Dagat ang Tiberias. Toladia anang pagkakita kananda.

Mga Binoatan 13:31

Kag sa sulud doro nga mga adlaw kon kapira-pira tana nagpakita sa mga tao nga nagtarabid kanana anang pagalin sa Galilea nga nagaayan sa Jerusalem. Ang mga tao nga dato maman run ang nagapanogid dadi sa mga Israelita parti kay Jesus.

1 Corinto 15:5

Nagpakita tana anay kay Pedro bago sa anang dosi ka apostolis.

2 Corinto 2:7

Patawada nindo tana run kag pabaskugun dayon, ay basi kon masobraan anang kasubu.