Marcos 16:1 - Anang Ambal Ang Dios – Bago Nga Katipan

¹ Pagkatapos ang Adlaw nga Inogpaway, si Maria nga taga-Magdala, si Maria nga nanay ni Santiago kag si Salome nagbarakal paamot nga inoglugud sa patay ay maayan sanda sa ginlubungan kay Jesus agud lugudan anang bangkay.

Marcos 16:1 ပူးပေါင်းရင်းမြစ်များ

Marcos 14:3

Ang doto si Jesus sa Betania, mintras nagakaun tana sa anang balay ni Simon nga anang ginayad sa anang masakit sa panit, may sangka babai nga nagabot. May dara tana nga maraalun gid nga agoa. Dia nga paamot alin gid sa maamot nga tanum nga ginatawag nga “nardo”. Pagrapit na kay Jesus ginpusa na anang liug-liug anang burutangan ang paamot kag pagkatapos ginbobo na dayon ang paamot sa anang olo ni Jesus.

Marcos 14:8

Dia nga babai nagimo anang masarangan para kanakun. Ginlugudan na paamot akun lawas agud ipriparar para sa akun lubung.

Marcos 15:40

Sa marayu-rayu may pira ra ka babai nga nagalantaw sa nagakaratabo. Ang iba kananda si Salome, si Maria nga taga-Magdala, kag si Maria nga anang nanay ni Jose kag ni Santiago nga anang libayun.

Marcos 15:42

Nataboan nga ang adlaw nga napatay si Jesus adlaw nga inogpriparar para sa pista. Apon ron kag tungud nga ang madason nga adlaw Adlaw ron nga Inogpaway, nagpatutum si Jose nga taga-Arimatea nga magayan kay Pilato agud pangayoon anang bangkay ni Jesus. Si Jose nga dia isara sa mga ginataod nga mimbro ang Konsilyo kag isara ra sa mga nagapaabot anang pagari ang Dios.

Marcos 15:47

Nagasulung ra doto si Maria nga taga-Magdala kag si Maria nga nanay ni Jose, gani nakita nanda kon diin ginlubung si Jesus.

Marcos 16:2

Ang adlaw ang Domingo, aga sanda pa gid nagayan sa ginlubungan.

Marcos 16:8

Gani naggoroa ang mga babai sa ginlubungan kag nagdaralagan ay nagakurudug sanda sa kaadluk. Ara sanda gid may ginsogidan ay ginpangadlukan sanda gani.

Lucas 23:54

Biyirnis dato kag inogpriparar para sa Adlaw nga Inogpaway, nga maompisa run pagkasalup ang adlaw.

Lucas 23:56

Pagkatapos nagoroli sanda kag nagpriparar ang sari-sari nga mga paamot nga inoglugud sa anang bangkay ni Jesus. Piro sa Adlaw nga Inogpaway, nagpaway sanda sono sa Kasogoan.

Lucas 24:1

Aga pa gid ang primiro nga adlaw ang simana, ang mga babai nagayan doto sa ginlubungan kay Jesus nga nagadara andang ginpriparar nga paamot.

Juan 19:25

Doto sa marapit anang kros ni Jesus nagatindug anang nanay, anang kabogto anang nanay, si Maria nga anang asawa ni Cleopas, kag si Maria nga taga-Magdala.

Juan 19:31

Ang adlaw nga dato dispiras ang pista. Indi maliag ang mga Judio nga anang bangkay ang mga tao nga ginlansang sa kros masala doto tungud nga ang masonod nga adlaw, Adlaw nga Inogpaway, kag importanti gid nga pista para sa mga Judio. Gani ginpangabay nanda kay Pilato nga kon maimo pamariun anang mga batiis ang mga tao nga ginlansang sa kros agud magkarapatay sanda, kag pamulun dayon andang mga bangkay doto.