Marcos 13:34 - Anang Ambal Ang Dios – Bago Nga Katipan

³⁴ Pario ako sa tao nga naglarga paayan sa marayu nga logar. Pagalin na sa anang balay, ginintriga na sa anang mga sorogoon ang mga orobraun kag kada isara may ana-ana nga obra. Kag ginkonan na ang goardya sa pwertaan nga magbantay.

Marcos 13:34 ပူးပေါင်းရင်းမြစ်များ

Mateo 16:19

Kanimo ko itaw ang awtoridad sa anang ginarian ang Dios. Ang bisan ano nga imong itogot nga imoon digi sa kalibotan maman ra ang itogot ang Dios, kag ang bisan ano nga indi mo pagitogot maman ra ang indi pagitogot ang Dios.”

Juan 10:3

Ginapasulud tana ang bantay sa pwertaan kag anang limug nakikilala ang mga karniro. Ginatawag na anang mga karniro sa andang mga aran, kag ginadara na sanda dayon sa goa.

Roma 13:6

Maman ra dan ang kabangdanan kon basi nagabayad kita atun bowis, ay ang mga manogdomara mga sorogoon ang Dios nga nagapangabudlay para gid sa mga butang nga dia.

1 Corinto 15:58

Gani, mga pinalangga ko nga mga kabogto kay Cristo, magpakabakud kamo kag indi gid maglingkang sa indong pagtoo. Magpakatandus kamo sa anang ginapaimo kanindo ang Ginoo, ay naulaman nindo ra nga indong mga pagpangabudlay para sa Ginoo mapopolosan ra gid.

Colosas 3:24

Naulaman nindo ra nga may sorobliun nga inogtaw kanindo ang Ginoo bilang balus. Ay si Cristo nga atun Ginoo maman indong ginasirbian.

Colosas 4:1

Kamo nga mga agalun, magpasonaid kamo kag tratoa nindo osto indong mga oripun. Dumdumun nindo nga may agalun kamo ra sa langit.

Apokalipsis 3:7

“Magsolat kaw sa angil nga nagabantay sa mga tomoloo sa Filadelfia. Konon mo: ‘Dagi anang ginakoon ang matarung kag ara gid kasawayan, kag anang ambal masarigan. Tana maman ang nagaari pario anang pagari ni David ang ona. Kag tana lang ang nagakaput ang sosi sa anang ginarian. Gani kon nagabokas tana ang pwertaan agud makasulud ang tao sa anang ginarian, ara may makasirado. Kag kon siradoan na, ara may makabokas.