Marcos 12:37 - Anang Ambal Ang Dios – Bago Nga Katipan

³⁷ Kon gintawag tana ni David nga anang Ginoo, paiwan nga tana anang kaliwat lang gid ni David?” Doro nga mga tao ang naliag nga mayad magpamati kay Jesus.

Marcos 12:37 ပူးပေါင်းရင်းမြစ်များ

Mateo 1:23

“Magabudus ang sangka daraga kag magabata lalaki, kag tawagun tana nga Emmanuel” (nga anang gostong ambalun, “Ang Dios kaiban ta”).

Mateo 11:25

Kag nagpangamoyo dayon si Jesus nga nagakoon, makon na, “Itay, nga tagya ang langit kag logta, ginadayaw ta kaw tungud nga ang kamatoodan nga gintago mo sa mga maaram kag may tinonan ginpasanag mo sa mga tao nga midyo sa mga bata.

Mateo 11:5

Konon nindo tana nga ang mga bolag nakakakita, ang mga piang nakakapanaw, ang mga bungul nakakabati, ang mga may sakit sa panit nagaayad, ang mga patay naboboi, kag ang Mayad nga Barita ginawali sa mga marilisud.

Mateo 21:45

Pagkabati ang mga manogdomara nga mga pari kag mga Pariseo ang mga paanggid ni Jesus, nasatuman nanda nga sanda anang ginatomod.

Mateo 21:46

Gani gosto nanda run gid andan nga dakupun si Jesus, piro ginaadlukan sanda sa mga tao tungud nga ginakilala nanda nga propita si Jesus.

Lucas 19:48

Garing ara sanda kakita kaigayonan tungud nga ang mga tao tana nawiwili gid nga magpamati sa anang mga panodlo.

Lucas 21:38

Kada aga, dorong tao ang aga pa gid nga nagayan doto sa timplo ay gosto nanda nga magpamati kanana.

Juan 12:9

Dorong mga Judio ang nakabarita nga doto sa Betania si Jesus, gani nagarayan sanda doto. Andang ayan doto bukun lang tungud kay Jesus, kondi gosto nanda ra nga makita si Lazaro nga anang ginbanaw.

Roma 9:5

mga kaapo-apoan sanda ang mga tao nga ginpili ang Dios ang ona; kag sa andang lai nagalin si Cristo ang tana nagpakatao — Dios nga makagagaum sa tanan kag darayawon asta sa ara kataposan! Amin.

1 Timoteo 3:16

Ara doda nga makatiringala gid matood ang mga kamatoodan atun riliyon: Tana nagpakita digi bilang tao, Ang Ispirito Santo nagpamatood nga tana matarung, Nakita tana ang mga angil, Ginwali sa kalibotan, Gintooan ang mga tao, Kag gindara pabalik sa langit.

Santiago 2:5

Pamati kamo mga pinalangga ko nga mga kabogto kay Cristo! Ginpili ang Dios ang mga pobri digi sa kalibotan agud magmanggaranun sanda sa pagtoo kag maging manonobli ang ginarian nga anang ginpangako sa mga nagaigogma kanana.

Apokalipsis 22:16

“Ako, si Jesus, nagsogo sa akun angil agud isogid kanimo dia nga mga butang para sa mga nagasirimba sa Dios sa iba-ibang mga logar. Ako alin sa anang lai ni David kag ako ra ang masanag nga bitoon nga karamlaganun.”