Marcos 11:4 - Anang Ambal Ang Dios – Bago Nga Katipan

⁴ Gani nagpanaw sanda kag pagabot nanda doto sa banwa nakita nanda ang bataun pa nga asno sa binit ang dalan nga nagaigot sa pwertaan. Gani ginobad nanda dayon.

Marcos 11:4 ပူးပေါင်းရင်းမြစ်များ

Mateo 21:2

Makon na kananda, “Pagayan kamo sa bario nga dian sa onaan. Pagabot nindo doto makikita nindo ang inan nga asno nga nagaigot kag anang bata doto ra. Obadun nindo kag daraun digi kanakun.

Mateo 26:19

Gintoman dato anang mga somolonod, kag ginpriparar nanda doto ang yapon para sa pista nga dato.

Marcos 11:3

Kon may magpamangkot kanindo kon basi ginaobad nindo, sabatun nindo nga kinanglan ang Ginoo kag ibalik ra nga lagi pagkatapos.”

Marcos 11:5

Mintras nagaobad sanda may mga nagatirindug doto nga nagparamangkot kananda, makon nanda, “Oy, ano indong ginaimo dian? Basi ginaobad nindo ang asno?”

Juan 2:5

Makon dayon anang nanay ni Jesus sa mga sorogoon, “Sonoda nindo lang ang bisan ano nga anang isogo kanindo.”

Hebreo 11:8

Tungud sa pagtoo sa Dios, si Abraham nagtoman anang koon ang Dios nga magayan tana sa logar nga ginpangako kanana. Nagalin tana sa anang logar nga ginaolian bisan ara tana kaulam kon diin ang logar nga ginpangako kanana.