Marcos 11:20 - Anang Ambal Ang Dios – Bago Nga Katipan

²⁰ Pagkaaga, ang nagabalik sanda run sa Jerusalem, doto sanda ruman nagagi sa may igira nga kaoy kag nakita nanda nga nalayung run anang daon, kag pati anang gamot nagkurupus.

Marcos 11:20 ပူးပေါင်းရင်းမြစ်များ

Mateo 13:6

Piro paginit ang adlaw, nagkaralayung, ay anang gamot manabaw.

Mateo 15:13

Nagsabat si Jesus, makon na, “Ang kada tanum nga ara pagtanuman akun Tatay nga sa langit sigorado nga gagaboton.

Mateo 21:18

Pagkaaga, ang nagapabalik run si Jesus sa siodad ang Jerusalem gingutum tana.

Marcos 11:12

Pagkaaga, pagalin nanda sa Betania pabalik sa Jerusalem, gingutum si Jesus.

Marcos 11:14

Makon dayon ni Jesus sa igira, “Alin dadi ara run tao nga makakaun imong bonga!” Anang ambal nga dia nabatian anang mga somolonod.

Juan 15:6

Ang tao nga nagapabulag kanakun ipilak lang, pario sa mga sanga nga ginapilak kag nauuga, pagkatapos ginatipon dayon kag ginadapong sa kalayo agud masonog.

Hebreo 6:8

Piro kon ang nagatobo poros lang taladang kag ilamonon nga tunukun, tay ara polos dato; gani sosompaun run lang ang Dios, kag sa ori sonogon.

Judas 1:12

Kauruya para kanindo nga nakakaiban nindo ang mga tao nga dan sa indong pagtiripon sa pagkaun bilang magkarabogto kay Cristo. Dan sanda maman ang nagarangga kanindo. Ay sigi lang andang pagosto kaun kag inum kag ara sanda nauya. Ara sanda ibang ginaisip kondi andang kaogalingun lang. Pario sanda sa galum nga ginapalid ang angin kag ara nagadara oran. Pario sanda ra sa kaoy nga ara nagapamonga bisan sa oras nga inogbonga, ay gingabot sanda kag patay run gid.