Marcos 1:4 - Anang Ambal Ang Dios – Bago Nga Katipan

^4-5 Kag dia natoman gani anang pagabot ni Juan nga manogbunyag sa logar nga ara ginaolii ang tao. Dorong tao ang nagarayan doto kanana nga alin sa tanan nga banwa ang Judea, kag doro gid ang alin sa Jerusalem. Ginwalian sanda dayon ni Juan nga dapat inulsulan nanda run kag bayaan andang mga sala kag magparabunyag dayon agud patawadun sanda ang Dios. Kag ang mga tao nga nagsogid nga sanda nagkasala ginbunyagan na sa soba ang Jordan.

Marcos 1:4 ပူးပေါင်းရင်းမြစ်များ

Mateo 3:11

“Kamo ginabunyagan ko sa tobig bilang pagpakilala nga kamo nagainulsul run sa indong mga sala, piro ang masonod kanakun mas gamanan pa kanakun kag bisan maging anang sorogoon indi ako pa gani poidi. Tana magabunyag kanindo sa Ispirito Santo kag kon indi, sa kalayo.

Mateo 3:6

Ginako nanda andang mga sala kag ginbunyagan na sanda sa Soba ang Jordan.

Lucas 1:77

Magatodlo kaw sa anang mga tao nga sanda malolowas sa andang mga sala, Kon sanda magpangayo patawad sa Dios.

Juan 3:23

Si Juan nagapangbunyag ra piro doto sa Enon, marapit sa Salim, ay dorong tobig doto. Sigi-sigi anang ayan doto ang mga tao kay Juan agud magparabunyag.

Mga Binoatan 10:37

Naulaman nindo ra ang mga natabo sa bilog nga probinsya ang Judea parti kay Jesus nga taga-Nazaret. Kabay nagompisa dia sa Galilea pagkatapos nga makawali si Juan parti sa pagbunyag. Gintawan ang Dios si Jesus ang Ispirito Santo kag gaum. Kag tungud nga kaiban na ang Dios, nagayan tana sa iba-ibang logar nga nagaimo mayad. Kag ginaayad na ra ang tanan nga ginapaantos ang dimonyo.

Mga Binoatan 22:16

Gani indi ka run magpabayabaya. Pagtindug kag magpangamoyo sa Ginoo kag magpabunyag, kag mapatawad dayon imong mga sala.’ ”