Marcos 1:35 - Anang Ambal Ang Dios – Bago Nga Katipan

³⁵ Ang madason nga adlaw, madulumdulum pa, nagbangon si Jesus kag nagayan sa logar nga ara tao kag nagpangamoyo.

Marcos 1:35 ပူးပေါင်းရင်းမြစ်များ

Mateo 14:13

Pagkabati dato ni Jesus, nagsakay tana sa sakayan kag nagayan sa logar nga ara tao. Piro pagkabati ang mga tao alin sa sari-sari nga mga banwa nga si Jesus nakaalin run, nagpanaw sanda paayan sa anang arayanan.

Mateo 14:23

Kag pagkatapos nga makapanaw ang mga tao nagtokad tana sa bokid nga tana lang agud magpangamoyo. Nagabian tana doto.

Marcos 1:36

Pagkaaga ginpangita tana ni Simon kag anang mga kaiban.

Lucas 5:16

Piro anang ginimo tana ni Jesus, nagayan tana sa logar nga ara tao kag nagpangamoyo.

Lucas 6:12

Sa mga inadlaw nga dato may bisis nga si Jesus nagtokad sa may bokid agud magpangamoyo, kag sang gabi gid anang pangamoyo doto.

Juan 4:34

Makon dayon ni Jesus kananda, “Akun pinakapagkaun ara iba kondi nga tomanun ko anang kabubutun ang Dios nga nagpadara kanakun digi kag taposon anang ginapaimo kanakun.

Juan 6:15

Naulaman run nga lagi ni Jesus andang isip nga may toyo sanda nga bulun tana kag rugusun nga maging andang ari. Gani nagalin tana doto kag nagtokad roman sa bokid nga tana lang.

Efeso 6:18

Kag magpangamoyo kamo pirmi nga tabangan kamo gid ang Dios. Sa tanan nga oras magpangamoyo kamo sa bolig ang Ispirito Santo. Indi kamo gid magpabaya-baya, kondi magpadayon kamo gid pangamoyo kag indi nindo paglipatan nga sambitun ang tanan nga mga bata ang Dios.

Filipos 2:5

Dia indong dapat imoon nga maman ra anang ginimo ni Cristo Jesus.

Hebreo 5:7

Ang digi pa si Jesus, nagpangamoyo tana kag nagpanangis gid nga mayad nga nagapakitloy sa Dios nga sarang makalowas kanana sa kamatayun. Kag tungud nga tana mapainubusun kag matinomanun ginsabat ang Dios anang pangamoyo.