Hebreo 9:8 - Anang Ambal Ang Dios – Bago Nga Katipan

⁸ Paagi sa andang mga ginaimo nga toladato ang ona, ginatodlo kanatun ang Ispirito Santo nga ang ordinario nga mga tao indi gid makasulud sa Pinakabalaan nga Logar mintras nagatindug pa ang dati nga simbaan nga torda.

Hebreo 9:8 ပူးပေါင်းရင်းမြစ်များ

Lucas 1:80

Karon, ang bata nga si Juan nagbaul kag naging mabaskug sa ispirito. Nagtinir tana sa logar nga ara tao asta sa adlaw nga tana nagompisa nga magtodlo anang ambal ang Dios sa anang kapario nga mga Israelita.

Juan 10:7

Gani makon ni Jesus, “Ang matood tana, ako ang pinakapwertaan nga ginaagian ang mga tao nga maman ang mga pinakakarniro.

Juan 10:9

Ako maman ang pwertaan. Ang nagasulud paagi kanakun malowas. Pario tana sa karniro nga nagasulud kag nagagoa kag nakakikita ang parangaraban.

Juan 14:6

Makon ni Jesus kanana, “Ako ang dalan. Ara may makaayan sa Amay kon bukun paagi kanakun. Ako anang ginaalinan ang kamatoodan kag ang kaboi.

Mga Binoatan 28:25

Kag tungud nga indi sanda magkarasogot, nagoroli sanda. Piro bago sanda nagoroli may ginambal pa si Pablo kananda. Makon na, “Ara gid matood nagsala anang koon ang Ispirito Santo sa atun mga kaolang-olangan paagi kay propita Isaias.

Galacia 3:8

Ang Kasolatan nagkoon nga lagi nga ang mga bukun Judio bilangun ang Dios nga matarung tungud sa andang pagtoo kanana. Sono sa Kasolatan ang Mayad nga Barita nga dia ginsogid ang Dios kay Abraham. Makon na, “Ang tanan nga mga tao bindisyonan ko tungud kanimo.”

Efeso 2:18

Paagi kay Cristo kita tanan, mga Judio kag bukun, sarang run makaparapit sa Amay paagi sa sangka Ispirito Santo.

Hebreo 10:15

Ang Ispirito Santo mismo nagapamatood kanatun parti sa mga butang nga dia. Ay makon na,

Hebreo 3:7

Gani pario anang koon ang Ispirito Santo, “Kon mabatian nindo dadi anang limug ang Dios,

Hebreo 9:3

Ang ikarwa nga koarto nga sa loyo ang kortina maman ang ginatawag nga Pinakabalaan gid nga Logar.

2 Pedro 1:21

Tungud nga ara sanda nagambal alin sa andang kaogalingun nga isip, kondi ang Ispirito Santo maman ang nagpaambal kananda anang ambal ang Dios.