Hebreo 7:21 - Anang Ambal Ang Dios – Bago Nga Katipan

²¹ Piro pagimo tana ang Dios kay Jesus nga maging pari may pangako tana nga anang ginsompaan. Ay may nakasolat sa Kasolatan nga nagakoon, “Ako ang Ginoo, nagapangako ako kag nagasompa pa, nga ikaw ginaimo ko nga pari asta sa ara kataposan. Kag indi gid magoman akun isip.”

Hebreo 7:21 ပူးပေါင်းရင်းမြစ်များ

Roma 11:29

Kag ang Dios ara nagaoman sa anang isip parti sa anang ginapili kag ginabindisyonan.

Hebreo 5:6

Kag may ginkoon tana ra sa ibang parti ang Kasolatan nga, “Pario anang pagkapari ni Melquisedec, Imong pagkapari ara kataposan.”

Hebreo 7:17

Ay toladia anang koon ang Kasolatan parti kanana, “Ikaw pari asta sa ara kataposan, pario anang pagkapari ni Melquisedec.”

Hebreo 7:20

Ang bago nga dia nga paagi mas mayad kag masarigan tungud nga pagimo ang Dios sa anang mga lai ni Levi nga maging mga pari ara tana gid nagpangako okon nagsompa.

Hebreo 7:23

Ang mga pari ang ona doro, tungud nga kon mapatay ang isara matulus ruman ang isara agud makapadayon andang obra bilang mga pari.

Hebreo 7:28

Ang mga tao nga ginimo nga pinakamataas nga pari sono sa Kasogoan ni Moises mga tao ra lang nga nagakasala. Piro sono sa anang pangako ang Dios nga anang ginambal pagkatapos ang Kasogoan, anang Bata mismo maman anang ginpili nga maging pinakamataas nga pari. Ay tana ara gid nagkasala kag asta kon sano indi tana gid magkasala.