Hebreo 3:12 - Anang Ambal Ang Dios – Bago Nga Katipan

¹² Mga kabogto ko kay Cristo, andaman nindo nga ara malain sa indong tagiposoon nga maman ang magaparoya indong pagtoo asta maparayu kamo sa Dios nga boi.

Hebreo 3:12 ပူးပေါင်းရင်းမြစ်များ

Mateo 16:16

Nagsabat si Pedro, makon na, “Ikaw ang Cristo nga anang ginpangako ang Dios nga magari, anang Bata ang Dios nga boi!”

Mateo 24:4

Nagsabat si Jesus kananda, “Magandam kamo nga ara may makapatalang kanindo.

Marcos 13:23

Gani magbantay kamo! Ginasogid ko ron nga lagi kanindo ang mga butang nga dia mintras ara pa matabo.”

Marcos 13:33

Gani magbantay kamo kag magandam, ay ara nindo naulami kon sano ako maabot.

Marcos 13:9

“Andaman nindo indong kaogalingun, ay pandakupun kamo kag daraun sa mga manogsintinsya, kag panganoton kamo sa anang mga simbaan ang mga Judio. Magaatobang kamo sa mga ari kag sa iba pa nga mga manogdomara ang banwa tungud nga kamo nagatoo kanakun. Kag doto masogidan nindo sanda parti kanakun.

Lucas 21:8

Makon ni Jesus kananda, “Magandam kamo nga indi kamo mapatalang ang iba. Ay doro ang magaabot kag kada isara magakoon nga sanda kono ako kag nagabot ron ang oras. Piro indi kamo gid magpati okon magsonod kananda.

Roma 11:21

Tungud nga kon ginpangotod ang Dios ang natoral nga mga sanga nga ara iba kondi ang mga Judio, mas madali ang pagpangotod kanindo, ay kamo anang mga sanga lang ang talonon nga olibo.

1 Corinto 10:12

Gani kon kamo nagaisip nga indong pagtoo mabakud run gid magandam kamo ay basi kon magkasala kamo ra.

Colosas 2:8

Magandam kamo sa mga tao nga gosto magdara kanindo sa andang gropo paagi sa mga ara polos nga mga pilosopia kag panloko nga mga panodlo. Ang mga butang nga dan nga andang ginatodlo bukun alin kay Cristo kondi sa mga soronodon ang mga malam kag mga sistima nga alin lang digi sa kalibotan.

1 Tesalonica 1:9

Ay sanda mismo ang nagasogid kon paiwan indong pag-asikaso kanamun amun pagbisita dian kanindo, kag ginsaysay nanda nga ginsikway nindo indong mga dios-dios agud makasirbi kamo ron sa matood kag boi nga Dios.

Hebreo 10:31

Kag makaaradluk gid kon ang Dios nga boi maman ang magsilot.

Hebreo 10:38

Kag ang tao nga matarung sa akun panulung magakaboi paagi sa anang pagtoo. Piro kon magtalikod tana kanakun indi ako malipay kanana.”

Hebreo 12:15

Magandam kamo ay basi kon may dian kanindo nga magtalikod sa anang kalooy ang Dios. Magandam kamo ra ay basi kon may dian kanindo nga ginaalinan ang golo, kag doro ang madalaig.

Hebreo 12:22

Kanatun tana bukun pario dato. Ay atun ginparapitan ang matood nga Bokid ang Sion, anang siodad ang Dios nga boi, ang langitnun nga Jerusalem, nga may linibo nga mga angil.

Hebreo 12:25

Gani magandam kamo kag indi kamo magpabungul sa anang ginaambal ang Dios kanindo. Ang mga tao ang ona nga ara nagpati sa nagambal kananda digi sa logta ara kalibri sa silot. Gani paiwan atun pagkalibri sa silot kon indi kita magpati sa nagaambal nga alin pa sa langit.

Hebreo 3:1

Gani mga kabogto ko sa pagtoo, kag kapario ko nga mga tinawag ang Dios nga maging kaiban na sa langit, dumdumun nindo si Jesus. Tana anang ginpadara ang Dios agud maging atun pinakamataas nga pari sa atun pagtoo nga maman ang nagapatunga kanatun kag sa Dios.

Hebreo 3:10

Gani nasilag ako gid kananda. Kag nagkoon ako nga pirmi sanda nagatalang kag indi sanda magsonod sa akun ginatodlo kananda.

Hebreo 3:19

Gani masanag kanatun nga sanda ara kasulud tungud nga ara sanda nagpati sa Dios.

Hebreo 9:14

Karon, kon dia manda makalimpyo, mas labi run gid nga makalimpyo anang dogo ni Cristo. Ay paagi sa Ispirito nga ara kataposan ginalad ni Cristo sa Dios anang kaogalingun bilang alad nga ara gid kakolangan sa panulung ang Dios. Anang dogo maman ang nagalimpyo sa atun mga tagiposoon kag isip agud talikodan ta ang mga butang nga atun ginaimo nga ara polos kag sirbian ta run ang Dios nga boi.