Hebreo 13:6 - Anang Ambal Ang Dios – Bago Nga Katipan

⁶ Gani pabaskugun ta atun kaogalingun nga nagakoon, “Ang Ginoo ang nagabolig kanakun, Gani indi ako pagadlukan. Ano anang maimo ang tao kanakun?”

Hebreo 13:6 ပူးပေါင်းရင်းမြစ်များ

Mateo 10:28

Indi kamo magkaadluk sa mga tao nga makapatay indong lawas piro indi makapatay indong kalag. Dapat tana ang Dios maman indong kaadlukan, tungud nga tana ang sarang makapatay indong lawas kag indong kalag nga ipilak doto sa impyirno.

Roma 8:31

Karon, kon isipun ta ang mga butang nga dia, makakoon kita nga ang Dios nagaapin kanatun, kag ara may makaiwan kanatun.

Efeso 3:12

Tungud nga kita kay Cristo kag tungud sa atun pagtoo kanana, makaparapit kita sa Dios nga ara kaadluk okon pagpangalangan.

Hebreo 10:19

Gani mga kabogto, tungud sa anang dogo ni Jesus nga anang ginola para kanatun, libri kita run nga magsulud sa Pinakabalaan nga Logar nga doto sa loyo ang kortina. Ay paagi sa anang pagalad anang lawas, ginabrian na para kanatun ang bago nga dalan agud makasulud kita sa Pinakabalaan nga dato nga Logar. Kag dia nga paagi maman ang nagataw kaboi nga ara kataposan.

Hebreo 4:16

Gani indi kita magpangalangan nga magparapit sa anang trono ang Dios nga maloloyon, ay doto ta mababaton ang kalooy kag bolig sa oras nga kinanglan ta.