Hebreo 1:4 - Anang Ambal Ang Dios – Bago Nga Katipan

⁴ Gani mas gamanan anang Bata ang Dios kag mas mataas anang aran kaysa mga angil.

Hebreo 1:4 ပူးပေါင်းရင်းမြစ်များ

Efeso 1:21

Gani sa idalum anang gaum ni Cristo ang tanan nga nagapangona kag nagadomara, kag ang mga may awtoridad, kag bisan sino pa nga may podir. Ang titolo nga gintaw kay Cristo indi run gid matupungan dadi okon bisan sa paraaboton pa.

Colosas 1:18

Tana ra ang pinakaolo ang tanan nga nagatoo kanana kag ang mga nagatoo maman anang pinakalawas. Tana ang ginaalinan atun kaboi. Tana gani ang ona nga nabanaw sa mga minatay agud makilala nga tana manda ang pinakaona sa tanan.

Colosas 2:10

Kag tungud nga kamo kay Cristo, kon ano ang dian kanana, dian ra kanindo. Kag tana gani ang may gaum sa tanan nga nagaari kag tanan nga may awtoridad.

2 Tesalonica 1:7

Kag kamo nga nagaarantos papawayun na kaiban kanamun. Matatabo dia sa anang pagbalik ni Ginoong Jesus nga magaalin sa langit nga kaiban anang gamanan nga mga angil.

Hebreo 1:9

Nalilipay kaw sa mga inimoan nga matarung, Piro ginaugutan kaw sa malain. Gani ginpili kaw ang Dios, nga imong Dios, Kag gintawan kaw ang kalipay nga labaw kaysa imong mga kaiban.”

Hebreo 12:17

Naulaman nindo ra nga ang ori gani gosto na maangkun ang bindisyon para sa pagkapanganay piro ara pagtawan. Ay indi na run mabago anang ginimo bisan ginpanangisan na pa.

Hebreo 2:9

Piro kon parti kay Jesus, naulaman ta nga sa matagud nga tyimpo ginimo tana ang Dios nga mas manaba kaysa mga angil agud paagi sa kalooy ang Dios mapatay tana para sa tanan nga mga tao, kag dadi ginpadungugan tana run bilang ari tungud sa anang ginantos nga kamatayun.

1 Pedro 3:22

Si Jesu-Cristo dadi doto ron sa langit, sa too ang Dios, kag ginpaidalum kanana ang mga angil nga may awtoridad kag gaum.